Davron Fayziev: "Imkoniyat bo'lganida "Real" jamoasida tajribamni oshirgan bo'lardim"
25 noy 2015 16:15
Yangiliklar
![](https://championat.asia/upload/storage/189711_original.jpg)
![](/upload/storage/189711_220.jpg)
Davron Fayziev: "Imkoniyat bo'lganida "Real" jamoasida tajribamni oshirgan bo'lardim"
"O'yindan oldin uchrashuv finalga tenglashtirilgandi. "Buxoro"ga qarshi o'yindan so'ng ruhiy jihatdan yigitlarda pasayish bo'lgandi. Ammo bugun muxlislarga yoqadigan o'yin bo'ldi deya olaman. Bitta uchrashuvga birinchi liga vakili ham, boshqa jamoa ham tayyorlana oladi. O'yin oson bo'lgani yo'q. O'z imkoniyatlarimizdan foydalana olganimizda birinchi bo'limning o'zida barchasini hal qilib qo'yardik. Maqsadimiz oliy ligada qolish edi. Endi bemalol tatilga chiqsak ham bo'ladi", - deydi Fayziev.
"Doim "So'g'diyona"da ishlab oliy ligada qolish uchun harakat qilaveraman? Men jizzaxlikman, kuchliroq jamoani boshqarish uchun hali anchagina tajriba va kuchga to'lishim kerak. Hali mahorat bobida kuchli jamoalarda ishlashga tajribam kam. Keyingi yil yaxshi jamoa shakllantirib yaxshi o'rinlarga kurashadi deb umid qilaman. Ko'p uchrashuvlarda o'yinimiz zo'r chiqardi, ammo natija salbiy bo'lardi".
Bu yil oliy liga o'yinlarini uchta stadionda o'tkazdik. Keyingi yil faqat Jizzaxda o'ynaymiz, bu ham bizga qo'shimcha yordam bo'lishi aniq. Ammo jamoani shunday tayyorlash kerakki, futbolchi o'z maydonidami yoki safardami bir xil o'ynashi kerak.
O'zbekistonlik yosh murabbiylarni chet elda o'qitishga qanday qarayman? Albatta ijobiy qarayman. Mavsum tugagach xorijdan kuchli mutaxassisni chaqirib seminarlar tashkil etilsa yaxshi bo'lardi. Bu albatta mening taklifim. Tanlash imkoniyati bo'lganida Pellegrini davridagi "Real" jamoasida tajribamni oshirgan bo'lardim. El Klassikoni stadiondan tomosha qilish orzularimdan biri", - deydi Fayziev.
O’xshash yangiliklar
![AMP Logo](https://championat.asia/image/logo-amp.png)
Fikrlar