Davron Fayziev: "0:10 hisobida yutqazishimiz ham mumkin edi"

"Oliy ligada qolamizmi yoki yo'qmi buni bilmayman. Yana oliy ligada qolish uchun kurashayapmiz. Bugungi o'yinni ko'rdingiz, asabiy o'yin, gollar... To'g'risi o'zimda emasman, sharoit bo'lmagani bilan futbolchilarni so'kkanim bilan ularni urishganim bilan hech nima bo'lmaydi. Biz oxirigacha kurashamiz", - deb gap boshladi Fayziev.

- Sizga ham Mirsodiqovga berilgan savolni beramiz: O'tgan turda ham 5:4 bugun ham...
- Bunday maydonda barcha narsa kutish mumkin, 0:10 hisobida yutqazishimiz ham mumkin edi, 10:10 ham bo'lishi mumkin edi. Ammo bizga uch ochko kerak edi, 1:0 ham, 10:0 ham uch ochko beradi.

- Salamat Quttiboev nima uchun maydonga tushmadi?
- Salamat Quttiboev mana shu maydonda jarohat oldi. "Neftchi"ga qarshi o'yinga qadar tiklanadimi yoki yo'qmi bilmayman. Elyor Oripov esa jarohat tufayli bugun ro'yxatga kiritilmadi. Koblashda kichik jarohat borligi uchun faqat zaxiradan tushurdik xolos.