Coca Cola Superligasi. Namanganda bugun bayram, "So'g'diyona"da inqiroz davom etadi

Coca Cola Superligasi 4-tur

"Navbahor" – "So'g'diyona" 3:0 (TUGADI)

1 aprel. Namangan. "Markaziy" stadioni. 18:00

Hakamlar: Temurbek To'xtasinov, Islom Azimov, SHohruh Azamov, Olim To'ychiboev

VAR hakami: Akobirxo'ja SHukurullaev

AVAR hakami: Timur Gaynullin

Nazoratchi: Marat Ismailov

Komissar: Bekzod Aripov

Gol: Milosh Milovich (Temurxo'ja Abduxoliqov) 13, 1:0, Oston O'runov (Jamshid Boltaboev) 25, 2:0, SHahboz Jo'rabekov (Jamshid Iskanderov) 50, 3:0

“Navbahor”: 1.O'tkir Yusupov, 5.Milosh Milovich, 6.Ibrohim Yo'ldoshev, 7.Oston O'runov (77.Asadbek Sobirjonov,67), 10.Jamshid Iskanderov (55.Asadbek Jo'raboev,77), 14.Jamshid Boltaboev, 17.Abror Ismoilov (8.Jasurbek Yaxshiboev,58), 21.Temurxo'ja Abduxoliqov (11.SHohruz Norxonov,77), 22.Igor Golban, 23.Yovan Jokich, 27.SHahboz Jo'rabekov.

“So'g'diyona”: 27.Milan Mitrovich, 4.Elyor Orifov (6.Alisher Salimov,64), 9.Jenan Zajmovich (7.Serder Serderov,46), 10.Javohir Qahramonov, 11.Jasur Hasanov (88.Samandarjon Mavlonqulov,46), 12.Xislat Xalilov (32.Nodirjon Soyibov,46), 14.Boburbek Yuldashev, 22.Sanjar SHoahmedov, 28.Stanislav Andreev, 77.Daniel Nasriddinov (5.Ayubxon No'monov,79), 93.Marko Kolakovich.

Ogohlantirishlar: Yo'q – M.Kolakovich (33), E.Orifov (45), S.Andreev (72).

 MATNLI TRANSLYACIYA

Uchrashuv tugadi. 

90. Ikkinchi bo'limga 4 daqiqa qo'shib berildi. 

88. "So'g'diyona" shu o'yinini ilk daqiqalardan ko'rsatganida balki boshqacha hisob 

87. ZARBAAA. Bobur Yo'ldoshevdan zarba. Noaniq. 

86. ZARBAAA. Sanjar SHoahmedovning O'tkir Yusupovning qaytargan to'pidan so'ng bergan zarbasi juda xavfli chiqdi. 

85. ZARBAA. Ayubxon No'monovning zarbasi xavfli chiqdi. 

79. O'ZGARISH. "So'g'diyona", Daniel Nasriddinov o'rniga Ayubxon No'monov tushdi. 

77. Jamshid Iskanderov o'rniga Asad Jo'raboev, Temurxo'ja Abduxoliqov o'rniga SHohruz Norxonov tushdi. 

76. Milosh Milovichga tibbiy yordam ko'rsatilmoqda. 

73. ZARBAAAAAAA. "So'g'diyona" nihoyat o'yinda xavfli vaziyat yaratdi. Jamoa uyg'ondi va hujumga o'tdi. Javohir Qahramonov hisobdagi farqni qisqartirishi mumkin edi. O'tkir Yusupov bunga ruhsat bermadi. 

Bugungi uchrashuvga 13950 nafar tomoshabin tashrif buyurdi. 

68. YAXSHIBOEEEV. Jasur deyarli birga bir vaziyatda raqib darvozasini ishg'ol qila olmadi. 

67. O'ZGARISH. "Navbahor", Oston O'runov o'rniga Asadbek Sobirjonov tushdi. 

63. O'ZGARISH. "So'g'diyona", Elyor Orifov o'rniga Alisher Salimov tushdi. 

58. O'ZGARISH. "Navbahor", Abror Ismoilov o'rniga Jasur Yaxshiboev tushdi. 

57. O'ZGARISH. "So'g'diyona", Sanjar SHoahmedov o'rniga Nodirjon Soyibov tushdi. 

52. "So'g'diyona" uchun bugungi o'yin deyarli tugab bo'ldi. Mutloq ustunlik mezbonlarda. 

50. GOOOOOOOOOOOOOOOOOOOOL. Maydon markazida to'pni olib qo'ygan Jamshid Iskanderov bitta aniq uzatma bilan SHahboz Jo'rabekovni qulay vaziyatga olib chiqdi. Jo'rabekov bitta aniq zarba bilan sobiq jamoasini jazoladi. 

48. "So'g'diyona" vaziyatni o'nglashga harakat qilmoqda. Samara chiqmayapti. 

Ikkinchi bo'lim boshlandi. 

Zarbalar: 7/5 - 1/0

Birinchi bo'lim yakunlandi. Tanaffus!

45. OGOHLANTIRISH. "So'g'diyona", Elyor Orifov

45. Birinchi bo'limga 2 daqiqa qo'shib berildi. 

40. O'yin tempi pastladi. Vaziyatlar kam. 

38. Uchrashuv davom etadi. 

38. Jamoalar iftorlik qilib olishi uchun Temur To'xtasinov qisqa tanaffus berdi. 

34. ZARBA. Jamshid Iskanderovning zarbasi zo'r chiqdi. Lekin gol bo'lmadi. O'yinning bezagi gol bilan. 

33. OGOHLANTIRISH. "So'g'diyona", Marko Kolakovich

27. "So'g'diyona" kombek qiladimi? Ko'ramiz va kuzatamiz. 

25. GOOOOOOOOOOOOOOOOOOL. Mukammal va ishlangan kombinaciya, Ostonni o'zi hujumni boshladi va Jamshid Boltaboev bilan bir tepar uslubida jarima maydonchasiga kirib zarba yo'lladi. "So'g'diyona"ning ahvoli tang!

To'p nazorati 51-49 %

17. Goldan so'ng jizzaxliklar biroz oldinga o'tgandek bo'ldi. Biroq vaziyatlar ooo deydigan darajada xavfli emas. 

13. GOOOOOOOOOOOOOOOOL. Temurxo'ja Abduxoliqovning zargarona uzatmasini Milosh Milovich boshi bilan "So'g'diyona" darvozaga yo'llab qo'ya qoldi. Maydon egalari hisobni ochdi. Ana shunday gaplar. 

12. Mezbonlar futbolchisi Jamshid Boltaboev gol urish uchun qulay vaziyatga chiqib bordi. Lekin yakuniy zarbani yo'llashda sekin qaror chiqardi. Natijada Mitrovich to'pni egallab oldi. 

7. ZARBA. Jokichning zarbasini Mitrovich qiyinchiliksiz egallab oldi. 

1. "So'g'diyona" ilk daqiqalardan katta kuch bilan oldinga o'tdi. Hujum keskin tus oldi. 

Jamoalar maydonga chiqib keldi. Uchrashuv boshlandi. 

- SHuningdek, vodiyliklar "bo'rilar" bilan o'tgan yili O'zbekiston kubogi doirasida to'qnash kelgan. Uchrashuvning asosiy va qo'shimcha vaqtlarida hisob ochilmagan. Penaltilar seriyasida esa Samvel Babayan shogirdlarining qo'li baland kelgan. 

- CHempionat doirasidagi o'zaro oxirgi 5 uchrashuvda namanganliklar raqibini mag'lub eta olmagan, aksincha, shulardan to'rttasida jizzaxliklarning qo'li baland kelgan. "Lochinlar" so'nggi bor 2020 yilgi mavsumda bo'lajak raqibini mag'lub etishning uddasidan chiqqan.