Coca Cola Superliga. Bugun Namanganda vodiy derbisi, "Lokomotiv" "Buxoro" mehmoni bo'ladi

Coca Cola Superligasi, 16-tur
“Buxoro” – “Lokomotiv”
20 sentyabr 2020 yil. Muborak. Bahrom Vafoev nomidagi stadion. 17:00
Hakamlar: Akobir SHukurullaev, Zufar Eliboev, Farhod Usmonov, Komil Rasulov
Nazoratchi: Noil Lutfullin
Komissar: Bekzod Aripov

To'rtta o'yindan buyon g'alaba qozona olmayotgan "Buxoro" Muborakda oxirgi ikki turda g'alabaga erishgan "Lokomotiv"ni qabul qiladi.

Bu jamoalar hozirga qadar O'zbekiston chempionatida o'zaro 31ta o'yin o'tkazgan. 20ta uchrashuvda "Lokomotiv" g'olib bo'lgan, 6ta bahsda "Buxoro" zafar quchgan. Qolgan beshta o'yinda durang qayd etilgan. "Lokomotiv" o'zaro o'yinlarda 62ta gol urib, 31ta gol o'tkazib yuborgan.

Birinchi davrada Toshkentda kechgan uchrashuvda "temiryo'lchilar" 3:0 hisobida zafar quchishgan.

"Buxoro" ketma-ket 9ta o'yindan buyon bu raqibga yutqazib kelmoqda. "Buxoro" 4ta o'yindan buyon "temiryo'lchilar" darvozasiga gol ura olmayapti. So'nggi bor buxoroliklar 2016 yilgi mavsumda "Lokomotiv"ni mag'lub etishgandi.

“Navbahor” – “Andijon”
20 sentyabr 2020 yil. Namangan. "Markaziy" stadion. 19:00
Hakamlar: Ahrol Risqullaev, Rishat Nugmanov, Doniyor Saylavov, Doston Mirzaraimov
Nazoratchi: Bobur Haydarov
Komissar: Jahongir Rahmatullaev

Superligada bu mavsum umuman g'alaba qozona olmagan "Andijon" bu tur oxirgi 6ta uchrashuvdan buyon yuta olmayotgan "Navbahor" mehmon bo'ladi.

Bugungi bahs vodiyning bu ikki klubi o'rtasidagi 50-uchrashuv bo'ladi. 25 marta "lochinlar", 10 marta "burgutlar" g'olib bo'lishgan. 14 bor tomonlar murosa ko'chasini tanlashgan. "Navbahor" o'zaro o'yinlarda 73ta gol urib, 47ta gol o'tkazib yuborgan.

"Burgutlar" o'zaro oxirgi 3ta o'yinda bu raqibni mag'lub eta olishmagan. So'nggi bor "Andijon" 2016 yilgi mavsumda "lochinlar"dan ustun kelgan.

Birinchi davrada Andijonda kechgan uchrashuvda 0:0 hisobi qayd etilgan edi.