Coca Cola Superliga. Bugun AGMK Termizda mehmon, "Buxoro" "Navbahor" bilan o'ynaydi

SURXON – AGMK
1 oktyabr. Termiz. "Surxon" stadioni. 16:30
Hakamlar: Akobirxo'ja SHukurullaev, Rishat Nugmanov, Doniyor Saylavov, Jaloliddin Husniddinov
Nazoratchi: Oleg Dachev
Komissar: Ahmed Tillaev

Ushbu jamoalarning o'zaro o'yin tarixi qisqa va bu o'tgan mavsumdan boshlandi. Hozirga qadar AGMK termizliklar bilan 3 marotaba to'qnash kelgan. O'tgan mavsum Olmaliqda kechgan o'yinda Dilshod Jo'raev va Sanat SHixovning gollari AGMKga g'alaba keltirgan bo'lsa, Termizda Abror Ismoilovning goli “Surxon”ni g'olib qilgandi. Joriy mavsum birinchi davra doirasidagi bahsda esa Arslanmirat Amanovning jarimadan kiritgan goli AGMKga g'alaba keltirgandi.

BUXORO – NAVBAHOR
1 oktyabr. Muborak. Bahrom Vafoev nomidagi stadioni. 17:00
Hakamlar: Asker Najafaliev, Olim Abduvosilov, Ruslan Serazitdinov, Abdurashid Xudoyberganov
Nazoratchi: Baxtiyor Tog'aev
Komissar: Zohid Akramov

Mazkur klublar O'zbekiston chempionati o'yinlarida 57 marta bir-birlariga qarshi maydonga tushishgan. Ushbu 57ta bahsdan 32tasida "Navbahor" g'alaba qozongan bo'lsa, 16ta uchrashuvda "Buxoro" zafar quchgan, 9ta o'yinda esa tomonlar durangga imzo chekishgan. “Navbahor” shu kunga qadar o'zaro bahslarda 105ta to'p kiritib, o'z darvozasidan 62 marta to'p olib chiqqan.