"CA"da TV loyiha - “12 OY, 12 VILOYAT”

Unda 12ta viloyatga har oyda bir marotaba tashrif buyuriladi. Loyiha yanvar oyida Qashqadaryoda start oladi va dekabrda Toshkentda tugatiladi. Oliy liganing taqvim kunlari chiqishiga qarab, qolgan viloyatlarga boradigan kunlarimizni malum qilamiz. SHunisi aniq-ki, ikkinchi safarimiz Jizzaxda bo'lib o'tadi.

3 kun, 2 sutka davomida vilotyada tasvirga olish jarayoni bo'lib o'tadi.

Reja:
1. Viloyatning faxriy futbolchisining uyiga mehmon.
2. Viloyat futbol federaciyasiga bo'lgan etibor va u erdagi sharoitlar o'rganish.
3. Viloyat jamoalari bilan yaqindan tanishilinadi (baza, tarix, stadion, bosh murabbiy, sardor, fan klub rahbari ...)
4. Viloyatdagi eng ko'zga ko'ringan vundirkind haqida lavha tayyorlanadi. Masalan, "Nasaf" akademiyasi va murabbiylardan so'rab, u erdagi eng zo'r futbolchi haqida rolik qilinadi...
5. "Nasaf", "SHo'rtan" va "Mashal" jamoalarining faxriy va bugungi kundagi murabbiylari bilan suhbat.

Yanvarni Qashqadaryoda boshlashdan maqsad, u erda infrastruktura joyida va ishni boshlab olish uchun yaxshi imkoniyatga ega ekanlimiz bo'ldi.

Dastur davomida 2003 yil avtofalokatga uchrab yura olmaydigan bo'lib qolgan Kamoliddin Kenjaevning uyiga borish rejalashtirilgan. SHu bilan birga Qashqadaryo futbolining vatani bo'lgan Koson shahrida alohida tasvirga olish ishlari olib boriladi. Bu erda viloyatning eng yoshi katta faxriylaridan biri bo'lgan SHamil aka Jumaev xonadoniga tashrif buyuramiz. Undan tashqari jamoa muxlislari bilan ham ko'rishamiz, ularni tasvirga olamiz.

Agar biz boradigan hududlarda o'zining ajobtovur futbol kollekciyasi bilan "SA" hayratga solishi mumukin bo'lgan ishqiboz bo'lsa, biz bilan bog'laning. TV loyihamizdan Sizga ham joy ajratamiz.

2014 yil boshlandi, "CA"dan "doda" loyihalarni kuting!

Agar Sizda mazkur loyihaga qiziqish bo'lib, unda o'z maxsulotingizni reklama qilishni maqsad qilgan bo'lsangiz, marhamat, +99894 6394999 raqamiga qo'ng'iroq qiling!