"Buxoro"ning yangi vakillari oliy ligada qolishga vada berishdi

Marosim soat 12:00da boshlandi. Tadbirga qadar jamoa azolari va rahbariyati birgalikda hududdagi Bahouddin Naqshbandi ziyoratgohida bo'ldilar. 

200dan ortiq muxlis ishtirok etgan tadbirning ikkinchi qismida futbolchilarga yangi futbolkalar topshirildi.

"Oldimizda turgan asosiy vazifa "Buxoro"ni kuchlilar safida olib qolish. Birinchi davraning so'nggida ikki ochkoga ega jamoani qabul qilib oldim. To'g'risini aytaman, kelgan futbolchilarning maqsadi pul emas. Biz bu erda imkon qadar uzoqroq ishlashni maqsad qilganmiz. Dastlabki yil qiyin bo'ladi, lekin oliy ligada qolishimizga ishonamiz va "Buxoro"ni avvalgi mavqeini tiklaymiz", - deydi katta murabbiy Tachmurod Agamurodov.

So'zida davom etar ekan, turkmanistonlik mutaxassis "Dinamo"dagi faoliyatiga ham to'xtalib o'tdi:

- Men "Dinamo"dagi futbolchilarni o'zim bilan olib kelganim yo'q. "Dinamo" muxlislari oldida vijdonim pok, shu jumladan futbolchilarni ham. Ular u erda o'z ishlarini halol bajardilar deb ayta olaman.

SHundan so'ng so'zga Aziz Ibragimov chiqdi:

- To'g'risi anjumanga bunchalik ko'p muxlis tashrif buyuradi deb o'ylamagan edim. SHokdaman. SHunday ekan, biz ishlashimiz kerak. To'g'ri, hozirda ko'plab muxlislar jamoada xafalar. Lekin ishoning, biz jamoani oliy ligada olib qolamiz.

Asli buxorolik bo'lgan Alisher Sanoev esa qiyin vaziyatda qolgan, o'zi uchun begona bo'lmagan jamoa safiga qaytganidan xursandligini bildirib o'tgan.

Mirzo SHoev