"Buxoro"ning Toshkentdagi yig'iniga ikki nafar serbiyalik futbolchi qo'shildi

Kecha jamoa ixtiyoriga gruziyalik legioner Georgi Kvesieshvili kelib qo'shildi. 23 yanvarda futbolchilar tibbiy ko'rikdan o'tishadi.

"Buxoro" jamoasi delegaciyasi Toshkentdagi "O'zbekiston" mehmonxonasida joylashdi.

SHuningdek, serbiyalik legionerlar Predrag Vuyovich va Goran Obradovich "Buxoro" jamoasi yig'iniga qo'shilishdi.

Ularning biri yarim himoyachi, ikkinchisi himoyachi ampluasida harakat qiladi.
   
Predrag Vuyovich 2011 yil G'uzorning "SHo'rtan" klubida to'p tepganidan ko'pchilikning xabari bor. Uning oxirgi klubi Serbiya birinchi ligasi vakili "Metalac" klubi edi.

Predrag Vuyovich
Fuqaroligi: Serbiya
Tug'ilgan sanasi: 1983 yil 20 avgust
Ampluasi: Yarim himoyachi
Bo'yi: 1.80 sm
Klubi: "Metalac" (Serbiya)

Goran Obradovich himoyachi bo'lib, Armanistonning "Gandzasar" klubida faoliyat olib borayotgan edi. Ushbu jamoa Armanistonning Premer-ligasi ishtirokchisi bo'lib, o'tgan mavsumda ushbu chempionatning bronza medalini qo'lga kiritgan.

Obradovich "Gandzasar" klubi bilan UEFA Evropa ligasining birinchi raundida ham ishtirok etishga ulgurdi.

Goran Obradovich
Ampluasi:  himoyachi
Tugilgan sanasi: 25/12/1986 (27)
Fuqaroligi: Serbiya
Klub: Gandzasar (Armaniston)