"Buxoro"ni tark etgan futbolchilar

Jamoa kuniga uch mahaldan o'z qarorgohida shug'ullanyapti. Mashg'ulotlarda asosan mahalliy futbolchilar qatnashishyapti. Toshkentdagi yig'in chog'ida jamoaga barcha yangi taklif etilgan futbolchilar ko'rikdan o'tish uchun tashrif buyurishadi.

Bugungi kunga kelib, o'tgan mavsum “Buxoro” jamoasi sharafini himoya qilgan bir qancha futbolchilar klubni tark etishdi. Tark etgan futbolchilar ro'yxati kuni-kecha rasman tasdiqlandi.

Rasman, “Buxoro”ni tark etgan futbolchilar: Predrag Vuyovich, Dmitriy Popovich, Ruslan Boqiev, SHukur Jumaboev, SHerzod SHaripov, Ilya Ilin, Sanjar Asqaraliev, Baxriddin Vahobov, Ulug'bek Baqoev, Anvar Rajabov.

O'tgan mavsumda jamoa darvozabonlari Farrux Turdaliev, Aleksandr Korneychuk yangi mavsumni “Buxoro” libosida boshlashlari deyarli aniq bo'lib ulgurgan. Bulardan tashqari o'tgan mavsumda “Buxoro”  tarkibida harakat qilgan Suxrob Nematov, Otabek Narzullaev, Otabek Isroilov, Oybek Nurboev va qolgan barcha mahalliy futbolchilar “Buxoro” safida mavsumga tayyorgarlik ko'rishmoqda. Moldavalik Vitaliy Plamadela ham jamoa bilan mashg'ulotlarni boshlab yubordi.

Voqealar rivojini kuzatishda davom etamiz.