“Buxoro” – “Lokomotiv” 2:3. O'tgan yilgi o'yinni yodga olamiz

O'tgan yil Buxoro shahrida kechgan bahsda “temiryo'lchilar” 3:2 hisobida g'alaba qozonishgan. Umid qilamizki, bu gal ham omad “Loko” tomonida bo'ladi.

Quyida o'tgan yilgi o'yinni fotosuratlari bilan yodga olamiz. Vadim Agishev boshqarib borgan bellashuvda dastlab 7-daqiqadayoq Oleg Zoteev hisobni ochadi. 33-daqiqaga mezbonlar hisobni tenglashtirishadi. J.Ubaydullaev gol muallifi bo'ladi. Oradan 6 daqiqa o'tib Lutfulla To'raev uzoqdan zarba bergan holda juda chiroyli gol muallifiga aylanadi – 1:2.

Birinchi taym oxirlarida hakam “Loko” darvozasi tomon penalti belgilaydi. Va 11 metrlik jarima zarbasini Suhrob Nematov aniq amalga oshiradi. Tanaffusga jamoalar 2:2 hisobi bilan yo'l olishadi.

Ikkinchi taymning dastlabki 15 daqiqasi ortda qolgan bir paytda, yani 60-daqiqada katta Jasur Hasanov o'ng qanotdan chiroyli reyd uyushtiradi va jarima maydonchasiga kirmasdan to'pga burama zarba bergan holda mehmonlarni yana hisobda oldinga olib chiqadi. Goldan so'ng oradan ikki daqiqa o'tib “Buxoro” futbolchisi Jamshid Hasanov qizil kartochka oladi va mezbonlar bir kishi kam bo'lib qolishadi.

85-daqada esa “Lokomotiv” darvozaboni Mamur Ikromovga qizil kartochka ko'rsatiladi. Bu paytga kelib “temiryo'lchilar” tarkibida uchta o'zgarish amalga oshirilgan bo'lib, darvozani majburan himoyachi Islom To'xtaxo'jaev egallaydi. O'yin tugashiga qo'shimcha daqiqalar bilan chamasi 8 daqiqa qolgandi. Darvozabon qo'lqoplarini kiygan To'xtaxo'jaev darvozada ham chakki emasligini ko'rsatadi. U ikki bor aniq tepilgan to'pni qaytarishga muvaffaq bo'ladi.

Natijada ham qiziq, ham shiddatli kechgan uchrashuvda “Loko” 3:2 hisobida g'alaba qozonadi. O'yin qahramonlaridan biri esa shubhasiz Islom To'xtaxo'jaev bo'ladi. Ammo bu himoyachi bugungi bahsda ishtirok eta olmaydi. Sababi Islomning oliy ligada sariq kartochkalari soni to'rttaga etgan va u navbatdagi turni o'tkazib yuboradi.

UCHRASHUV QAYDNOMASI
Oliy liga-2015. 11-tur. 31 may

Buxoro (Buxoro) – Lokomotiv (Toshkent) – 2:3. 8721 tomoshabin.
Hakamlar: V. Agishev (Toshkent) – 8,5, R. Serazetdinov (Toshkent) – 8,8, R. SHoyaxmetov (Toshkent) – 8,8, N. Qosimov (Qarshi) – 9
Nazoratchi: A. Abdullaev (Toshkent).
PFL vakili: B. Mametov.

Buxoro:
21. F. Turdaliev
3. S. Akbarov
5. V. Kravchesku
7. S. Nematov (6. E. Kochnev, 77)
8. V. Plamadela
14. V. Ponamarev
16. J. Hasanov
17. O. Narzullaev
18. D. Abibullaev (15. R. Aslanov, 60)
19. J. Ubaydullaev
20. I. Xoliqov (11. O. Isroilov, 70)

Zaxira: 12. A. Korneychuk, 23. B. Xaushi, 39. B. Narzullaev, 44. T. Turdiev.

Lokomotiv:
12. M. Ikromov
3. SH. Mullajonov
10. M. Bikmaev (7. R. Koryan, 77)
11. T. Abduxoliqov (77. J. O. Hasanov, 44)
13. L. To'raev
16. J. J. Hasanov
18. T. Kapadze
20. I. To'xtaxo'jaev
22. S. SHoahmedov
31. N. Yanichich
33. O. Zoteev (28. I. Alibaev, 56)

Zaxira: 1. I. Nesterov, 8. S. Mirzaev, 17. S. Mustafoev, 24. I. Rahimov.

Gollar: J. Ubaydullaev (33), S. Nematov (45+2, penalti) – O. Zoteev (7), L. To'raev (39), J. O. Hasanov (60).
Ogohlantirish: J. Hasanov (54) – N. Yanichich (45+1), M. Bikmaev (50), L. To'raev (83).
CHetlatish: J. Xasanov (62) – M. Ikromov (85).
Eng yaxshi o'yinchilar: F. Turdaliev – J. O. Hasanov.