“Bunyodkor”ning OCHLdagi raqibi mag'lub bo'ldi

Zlatko Dalich boshchiligidagi jamoa BAA chempionatining 18-turida kutilmaganda o'z maydonida chempionat autsayderlaridan biri “Al Fujayra” klubiga imkoniyatni boy berdi. Uchrashuvning 40-daqiqasida mezbonlar hujumchisi braziliyalik Kayo o'yinda hisobni ochgan bo'lishiga qaramay, ikkinchi bo'limda dastlab Holid Abdulrahmon o'z darvozasini ishg'ol etdi. 76-daqiqaga kelib “Fujayra”ning braziliyalik forvardi Bruno Moraes mehmonlarga g'alaba keltiruvchi golga mualliflik qildi.

Ayni paytda “Al Ayn” BAA chempionatida 18 uchrashuvdan 37 ochko jamg'argan holda turnir jadvalining uchinchi pog'onasida bormoqda.