"Bunyodkor": Xurshid G'iyosov va boshqa debyutlar

Uchrashuvda Sergey Lushan shogirdlari 2:0 hisobida g'alaba qozonishdi. O'yinning 81-daqiqasida “qaldirg'ochlar” tarkibida Dostonbek Hamdamov o'rniga Xurshid G'iyosov maydonga tushirildi. Myanma mamlakatida o'tgan yoshlar o'rtasidagi Osiyo chempionati ishtirokchisi bo'lgan G'iyosov “Andijon”ga qarshi bahsda o'zining oliy ligadagi debyut uchrashuvini o'tkazdi. 1995 yilda tavallud topgan yarim himoyachining keyingi faoliyati ham yanada yorqin davom etishini tilab qolamiz.

Takidlash joizki, 2007 yildan buyon oliy ligada ishtirok etayotgan “Bunyodkor” jamoasi safida elitada o'z debyutini nishonlagan futbolchilar soni ko'pchilikni tashkil etadi. Xurshid G'iyosov ushbu ro'yxatdan 21-futbolchi sifatida o'rin egalladi.

Joriy mavsumda “Bunyodkor” safida oliy ligada debyut qilgan futbolchilar oltitani tashkil etdi. Bular: Xurshid G'iyosov, Nuriddin Hasanov, Akramjon Komilov, Zabixillo O'rinboev, Dostonbek Hamdamov va Temur Ayupov. SHuningdek, bu yil “Bunyodkor” safida Osiyo CHempionlar ligasi bahslarida Mirjamol Qosimov (24.09.1995) va Hasan Asqarov (17.04.1994) debyut uchrashuvini o'tkazishdi. Bir yilda eng ko'p debyutantlar ko'rsatkichi bo'yicha 2014 yil alohida o'rin tutmoqda.

Umuman olganda, “Bunyodkor” safida oliy ligada debyut qilgan eng yosh futbolchi haqida gap ketganda Miraziz Jalolovni qayd etish joiz. U 2007 yil “Metallurg”ga qarshi uchrashuvda maydonga tushganida 15 yoshu 312 kunlik edi.

Quyidagi jadvalda “Bunyodkor” safida O'zbekiston chempionatida debyut qilgan mahalliy futbolchilar bilan tanishishingiz mumkin.

#	Futbolchi	Yoshi	Yil. Uchrashuv	Daqiqa
1	Xurshid G'iyosov	13.04.1995	2014. Andijon – Bunyodkor 0:2	9
2	Nuriddin Hasanov	20.07.1994	2014. Bunyodkor – Buxoro 5:0	68
3	Akramjon Komilov	14.03.1996	2014. Qizilqum – Bunyodkor 0:2	90
4	Zabixillo O'rinboev	30.03.1995	2014. Qizilqum – Bunyodkor 0:2	40
5	Dostonbek Hamdamov	24.07.1996	2014. Qizilqum – Bunyodkor 0:2	27
6	Temur Ayupov	28.03.1993	2014. So'g'diyona – Bunyodkor 0:2	28
7	Sardor Sobirxo'jaev	06.11.1994	2013. Bunyodkor – Olmaliq 4:1	9
8	Alibobo Rahmatullaev	08.02.1991	2012. Andijon – Bunyodkor 0:2	20
9	Akbar To'raev	27.08.1989	2012. Bunyodkor – Qizilqum 3:0	15
10	Dilshod Jo'raev	21.04.1992	2011. Bunyodkor – So'g'diyona 1:0	32
11	Rasuljon SHuhratov	08.08.1992	2010. Qizilqum – Bunyodkor 1:0	9
12	Kamoliddin Tojiboev	19.01.1990	2009. Bunyodkor – Navbahor 6:0	17
13	Sanjar To'raqulov	09.03.1989	2009. Bunyodkor – Dinamo 2:0	23
14	Maruf Ahmadjonov	22.09.1988	2008. SHo'rtan – Bunyodkor 0:1	30
15	Miraziz Jalolov	22.02.1992	2007. Bunyodkor – Metallurg 1:2	45
16	Dmitriy Kuzin	11.07.1991	2007. Bunyodkor – To'palang 4:1	17
17	Muxiddin Xudoyorov	05.11.1990	2007. Metallurg – Bunyodkor 2:1	90
18	Abduqahhor Xojiakbarov	18.07.1989	2007. Bunyodkor – Metallurg 1:2	34
19	Mirg'olib Raimov	02.10.1987	2007. Bunyodkor – Navbahor 3:1	3
20	Ernest Sedko	16.04.1987	2007. Mashal – Bunyodkor 0:1	13
21	Farruh Miryunusov	12.08.1987	2007. Bunyodkor – Metallurg 1:2	90

P.S. Maqolada mahalliy futbolchilar ko'zda tutilgan.