Bunyodkor Tojikiston bilan do'stona munosabatlarni davom ettirdi
14 okt 2019 17:32
Yangiliklar
![](https://championat.asia/upload/storage/523489_original.jpg)
![](/upload/storage/523489_220.jpg)
Bunyodkor Tojikiston bilan do'stona munosabatlarni davom ettirdi
Har ikkala davlat prezidentlari – SHavkat Mirziyoev hamda Emomali Rahmonning siyosiy irodasi, uzoqni ko'zlab yuritayotgan oqilona siyosati tufayli so'nggi yillarda mamlakatlarimizning ko'p qirrali hamkorligi yangi bosqichga ko'tarildi, xalqlarimiz do'stligi mustahkamlandi. CHegaradagi o'tkazish punktlari ochilgani, mamlakatlarimiz o'rtasida transport qatnovi tiklangani odamlarning hayotdan rozi bo'lib yashashida muhim ahamiyat kasb etmoqda. Bu hamkorliklarning samarasi o'laroq Tojikistonning «Xo'jand» futbol klubi bir necha marta yurtimizda mehmon bo'ldi va albatta o'zbek jamoalari ham qo'shni yurtga tashrif buyurib, do'stona munosabatlarni davom ettirdi. «Bunyodkor» futbol klubi ham mazkur do'stona munosabatlarni yanada mustahkamlash maqsadida 11-12 oktyabr kunlari Tojikistonning Xo'jand shahriga safar uyushtirdi. Alohida takidlash kerakki, safarga o'z avtobusida yo'l olgan «qaldirg'ochlar» har ikkala davlatning chegarasidan hech qanday muammolarsiz, suniy to'siqlarsiz o'tdi. SHuning o'zi ham har ikkala davlat rahbarlari tomonidan olib borilayotgan siyosat qanchalik mustahkam ekanligidan darak beradi.
Xo'janddagi «So'g'diyon» mehmonxonasida istiqomat qilgan «qaldirg'ochlar» safarning birinchi kunida kun kech bo'lishiga qaramasdan «Tojikiston mustaqilligining 20 yilligi» stadionida mashg'ulot o'tkazdi. Kechki ovqatdan avval «Bunyodkor» jamoasi Bosh direktori vazifasini bajaruvchi Ulug'bek Mirzaev o'zaro hamkorlikni mustahkamlash yo'lida qilayotgan ishlari uchun minnatdorchilik bildirib, «Xo'jand» klubi homiylaridan biri SHoxin Gulovga estalik sovg'alarini topshirdi.
O'rtoqlik uchrashuvining darajasi rasmiy o'yinnikidan farq qilmadi, desak mubolag'a bo'lmaydi. Zero, har ikkala jamoa ham hujumkor o'yin namoyish qildi. Bellashuv boshlanishi arafasida har ikkala jamoa direktorlari Murod Umarov hamda Ulug'bek Mirzaev o'zaro sovg'alar almashishdi. Qolaversa, o'yinni ramziy tarzda boshlab berishdi. Uchrashuvda hisobni maydon egalari ochishdi. Ammo mezbonlarning golini tafti bosilib ulgurmay Dmitriy Ostrovskiy o'zining supergoli bilan o'yinni bezadi. Barcha uchrashuvning birinchi bo'limi shu hisobda yakunlanadi deb turgan vaqtda mezbonlar ikkinchi marta hisobda oldinga chiqib olishdi. Lekin bu safar ham maydon egalarining goliga supergol bilan javob qaytarildi. 52-daqiqada SHohruh Gadoev chamasi 30 metrlardan yo'llagan ajoyib zarbasi bilan darvozani ishg'ol qildi.
Uchrashuvning asosiy vaqti shu hisobda yakunlandi. SHundan so'ng mezbonlarning taklifiga ko'ra, g'olib penaltilar seriyasi orqali aniqlandi. Futbol tili bilan aytganda lotoreyada omad maydon egalariga kulib boqdi. «Xo'jand» futbolchilari ikki, «qaldirg'ochlar» uch marta penaltini golga aylantira olmadi.
Takidlaganimizdek, garchi o'rtoqlik uchrashuvi bo'lsa-da, o'yin darajasi rasmiy bahsdan kam bo'lgani yo'q. Ahamiyatlisi, «Tojikiston mustaqilligining 20 yilligi» stadionida nafaqat mahalliy ishqibozlar, balki o'zbekistonlik muxlislar ham o'z suyuklilarini qo'llab-quvvatlab o'tirdi. SHu tariqa do'stona munosabatlarni yanada mustahkamlash yo'lida tashkil qilingan o'rtoqlik uchrashuvi o'z nihoyasiga etdi.
XALQARO O'RTOQLIK UCHRASHUVI
«Xo'jand» (Tojikiston) – «Bunyodkor» - 2:2 (2:1. pen. bo'y.: 5:4)
12 oktyabr. Xo'jand. «Tojikiston mustaqilligining 20 yilligi» stadioni.
Bosh hakam: Xurshid Dadobev.
Komissar: Ahliddin Yunusov.
«Xo'jand»: Mo'minjon Gadoyboev, Sohibjon Hakimov, Oybek Abdug'afforov, Alisher Barotov, Dilshod Karimov, Firdavs CHakalov, Baxtiyor CHoriev, Ilsur Samigullin, Komroni Mirzonajod, Muhammadsharifi Saidxo'ja, Dilshod Bozorov.
Zaxiradan tushganlar: Parviz Aliev, Dilshod Vosiev, Yuriy Zaxarkiv.
«Bunyodkor»: Murodjon Zuhurov, Anvar G'ofurov, Boburbek Farhodov, Dilshod Ahmadaliev, SHohruh Gadoev, Suhrob Izzatov, Evgeniy CHumak, Javohir Qahramonov, Dmitriy Ostrovskiy, Sanjar Rixsiboev, Temur Ayupov.
Zaxiradan tushganlar: Eldor Adhamov, Sardor Xursandov, Muhamadodil Qahramonov, Valeriy Akopov, Vladislav Nuriev, G'ayrat Azizxo'jaev, Abdurashidbek Tohirov, Abdurauf Bo'riev.
Gollar: Dilshod Bozorov, 28 - 1:0. Dmitriy Ostrovskiy, 32 - 1:1. Firdavs CHakalov, 44 - 2:1. SHohruh Gadoev, 52 - 2:2.
O’xshash yangiliklar
![AMP Logo](https://championat.asia/image/logo-amp.png)
Fikrlar