"Bunyodkor": Sobirxo'jaev Turkiyadagi yig'inga qo'shiladi

SHu bois ham murabbiylar bu amplua egalarini boshqa yulduz o'yinchilar qatorida ardoqlaydilar. “Bunyodkor”ning endi 19 ga qadam qo'ygan azosi Sardor Sobirxo'jaev klub safida xali asosiy tarkibdan muqim joy olmagan bo'lsa-da, o'smir va yoshlar terma jamoalari murabbiylari etiboriga allaqachon tushib ulgurgan. 2010 yil Toshkentda o'tkazilgan Osiyo chempionati, 2011 yilgi Meksika Jahon chempionati, 2012 yil BAA dagi Osiyo chempionati, 2013 yilgi Turkiya Jahon chempionati bahslarida deyarli barcha o'yinlarda maydonga tushgan Sardorni SHuxrat Maqsudov Omanda ilk martta tashkil etilgan U-22 qita birinchiligiga ham taklif etdi. Va jamoaning eng yosh azosi bo'lishiga qaramay, Sobirxo'jaevni Xitoy bilan bo'lgan ilk uchrashuvda asosiy tarkibda maydonga tushirdi. Lekin shu kuni Sardorga o'yin oxirigacha xarakat qilish nasib etmadi. Ikkinchi bo'lim boshida u jarohat oldi va maydonni tark erta etishga majbur bo'ldi. Jarohat jiddiyligidan Sobirxo'jaev nafaqat qolgan o'yinlarni tomoshabin sifatida kuzatdi, balki “Bunyodkor”ning Dubaydagi yig'iniga ham qo'shilmay Toshkentga qaytib keldi. Biz Sardor bilan uchrashib, bazi masalalarga oydinlik kiritdik.

- Jarohat qay tariqa sodir bo'ldi?
- Yuqoridan kelayotgan to'pni bosh bilan qaytarish uchun sakraganimda raqib o'yinchi tirsagi bilan yon tomondan tos suyagimga qattiq zarba berdi. Zarba kuchliligidan suyaklarim zirqirab ketdi. Qattiq og'riq tufayli o'yinni davom ettira olmasligim darxol oydinlashdi. Murabbiylardan almashtirishlarini o'zim so'radim va maydonni tark etdim.

- SHifokorlarning keyingi xulosasi qanday bo'ldi?
- Tos suyagi xarakatlantiruvchi azo bo'lgani sababli og'riq qolmaguncha to'liq yugura olmasdim. SHu bois safarimiz oxirigacha fizioterapeya muolajalarini olish bilan birga faqat engil yugurish bilan cheklandim. Bu uzoq davom etadigan muolaja bo'lgani tufayli, “Bunyodkor”ning Dubaydagi yig'iniga ham qo'shila olmadim va Mirjalol Qo'shoqovich bilan maslahatlashgandan so'ng Toshkentga qaytdim.

- Xozir vaziyat qanday?
- Fizioterapeya muolajalarini bu erda ham davom ettirayapman va yoshlar tarkibida shug'ullanmoqdaman. Hozircha faqat individual yugurish bilan mashg'ulman. Nasib qilsa hafta oxirigacha umumiy guruhga qo'shilaman. Hammasi ko'ngildagidek bo'lsa, “Bunyodkor”ning Turkiyada tashkil etiladigan yig'inida asosiy tarikibga qo'shilish niyatidaman...