“Bunyodkor” bir kunda ikkita o'yin o'tkazdi

Dastavval Latviya Daugava klubi bilan kuch sinashildi. Sergey Lushan ushbu bahsga deyarli yoshroq tarkibni maydonga tushirdi. Lekin bahs Latviyaning etakchi klubi foydasiga hal bo'ldi – 2:0.

“BUNYODKOR” (O'zbekiston) – “DAUGAVA” (Latviya) 0:2
“Bunyodkor” tarkibi: Murodjon Zuxurov, Dilyorbek Irmatov, Anvar G'ofurov, Xayrulla Karimov, Obid Jo'raboev, Dilshod Jo'raev, Mirjamol Qosimov, Otabek SHukurov, Zabixillo O'rinboev, Anvar Berdiev, Temur Ayupov

“Bunyodkor” – “Daugava” bahsi yakunlanishi bilanoq oradan hech qancha vaqt o'tmasdan xuddi shu maydonda ikkinchi uchrashuv boshlandi. Unda “Bunyodkor” Luganskning “Zarya” jamoasi bilan kuch sinashdi. Ukraina chempionatiing birinchi davrasidan so'ng 5-pog'onasini band etib turgan jamoaga qarshi bahs judayam qiziqarli o'tdi. Aytish mumkinki, ushbu bahs har ikkala tomon uchun foydali bo'ldi. “Bunyodkor” – “Zarya” qarama-qarshiligida kuchlar teng keldi – 1:1. “Qaldirg'ochlar”ning goliga Sardor Rashidov mualliflik qildi.

“BUNYODKOR” (O'zbekiston) – “ZARYA” (Ukraina) 1:1 (0:0)
Gollar: Sardor Rashidov 51 (1:0), Jelko Lyubenovich 56 penalti (1:1)
“Bunyodkor”: Pavel Bugalo, Ivan Miloshevich, Akramjon Komilov, Akmal SHorahmedov, Javlon Ibroximov, Samir Bekrich, Minori Sato, Sardor Rashidov, SHaker Zuagi, Mirzoxid G'ofurov, Artyom Filiposyan
Zaxiradan maydonga tushganlar: Murodjon Zuxurov, Dostonbek Hamdamov, Vohid SHodiev, Eldor SHomurodov