“Bunyodkor-99” Janubiy Koreyada!

Dilmurod Abdullaev murabbiyligidagi futbolchilarimiz 7-9 noyabr kunlari Yonchxon shahrida shahrida bo'lib o'tadigan xalqaro musobaqada ishtirok etishadi. “Ari sports Cup International Youth U-15 Football Tournament” deb nomlangan musobaqada mezbonlar Janubiy Koreya, SHimoliy Koreya, Xitoy va O'zbekiston vakillari qatnashishadi.

Musobaqa boshlangunga qadar har bir jamoaga Suvon shahrida bir haftalik yig'in o'tkazish imkoniyati yaratilgan. Jamoamiz azolari Suvon shahridagi ilk kunida Janubiy Koreya futbol afsonasi Park Ji Sung futbol markaziga tashrif buyurishda va u erdagi sharoitlar bilan tanishishdi. SHuningdek, Park Ji Sung tomonidan yig'ilgan mashhur futbolchilar futbolkalari kollekciyasi joylashgan muzeyni ham ko'zdan kechirishdi.

Ayni paytda “Bunyodkor-99” azolari Janubiy Koreyada mashg'ulotlar olib borishmoqda.

Ushbu HAVOLA orqali yosh “qaldirg'ochlar”ning mashg'ulot jarayonlari fotojamlanmasi bilan tanishishingiz mumkin.

Akbar DADASHEV,
Suvon, Janubiy Koreya