Bundesliga. CHempionlik uchun kurashayotgan "Leypcig" o'z maydonida ikki ochko yo'qotdi (Batafsil sharh)

Ko'pchilik o'yindan oldin mezbonlarning g'alaba qozonishini taxmin qilgandi, boshqa har qanday natija deyarli sensaciyadek qabul qilinardi. Yakunda shunday ham bo'ldi.

Uchrashuvning 34-daqiqasida Grifo burchakdan jarima maydoniga uzatdi va Gulde to'pni darvozaga yo'lladi - 0:1. "Frayburg"ning o'yindagi birinchi aniq zarbasi golga aylandi.

Keyingi daqiqalarda "Leypcig" hujumkorlikni oshirdi va hisobni tenglashtirish uchun bir qator imkoniyatlarga ega bo'ldi. 77-daqiqada Kamplning chap qanotdan uzatgan to'pini Poulsen barchadan baland sakrab boshi bilan darvozani ishg'ol qildi - 1:1.

Nagelsmann shogirdlari endi o'z-o'zidan g'alaba uchun harakat qila boshlashdi. Biroq hakam tomonidan qo'shib berilgan daqiqalarda Kristian SHrtayx boshchiligidagi "Frayburg" gol urdi! Standart vaziyatdan so'ng Gulachi darvozasi ikkinchi bor ishg'ol qilindi. Mehmonlar hatto golni va juda yaqin turgan g'alabani nishonlashga ham ulgurishdi. Biroq...vaziyatga VAR aralashdi va offsayd tufayli gol bekor qilindi.

Ushbu durangdan so'ng "Leypcig"ning ochkolari 51taga etdi. Bugun g'alaba qozongan "Dortmund" ulardan 3 ochkoga o'zib ketishdi, birozdan keyin o'ynaydigan "Myonxengladbax" hisobida hozircha 49 ochko bor. Agar Frankfurtda "Ayntraxt" mag'lub etilsa "Leypcig" to'rtinchi o'ringa tushishga majbur bo'ladi. "Frayburg" hisobidagi ochkolar 37taga etdi, ayni paytda jamoa 7-o'rinda.

"Leypcig" navbatdagi turni 24 may kuni safarda "Maync"ga qarshi o'tkazsa, "Frayburg" esa 23 mayda o'z maydonida "Verder"ni qabul qiladi.

Ushbu bahs haqida saytimiz jurnalisti SHahboz Beg'amov quyidagi fikrni bildirdi: "Karantin "Leypcig"ga yomon tasir etgani sezildi va "Frayburg" joriy mavsum "Leypcig" mag'lub etolmagan ikkinchi jamoaga aylandi. Birinchi davradagi bahsda ham "Augsburg" ishonchli o'ynagan va g'alabani tantana qilgandi. Kristian SHtrayx jozibador futbol taqdim etish bilan ovora. Evropa ligasi yo'llanmasiga loyiq jamoa tuzdi.

RB Leypcig – Frayburg 1:1 (0:1, 1:0)

«Red Bull Arena Leypcig»

Gollar: 0:1 – 34 Gulde, 1:1 – 77 Poulsen.

RB Leypcig – Gulachi, Mukiele (Lukman, 46), Klostermann, Xalstenberg, Anxelino, Nkunku (SHik, 81), Adams (Zabitcer, 69), Kampl, Laymer, Verner, Poulsen.

Frayburg – SHvolov, Kox, Gyunter, Xaync, SHmid (SHlotterbek, 90), SHallai (Xeler, 60), Xefler, Gulde, Grifo (Valdshmidt, 68), Linxart, Petersen (Xaberer, 68).

Ogohlantirishlar: SHallai (24).

Yulian Nagelsmann uchrashuvdan keyin o'z fikrlarini shu tariqa bildirdi. 

RB Leipzig Yussuf Poulsen - 77'

1. Bundesliga . 26-tur 16/05/2020, 18:30 1 : 1 Tugadi

Freiburg Manuel Gulde - 34'

Stadion: Red Bull Arena Leipzig, 0 tomoshabin

Bosh hakam: Manuel Graefe

45'

90'

46'  Nordi Mukiele (Ademola Lookman)

69'  Tyler Adams (Marcel Sabitzer)

77'  Yussuf Poulsen

77'  Kevin Kampl

81'  Christopher Nkunku (Patrik Schick)

24'  Roland Sallai

34'  Manuel Gulde

34'  Vincenzo Grifo

61'  Roland Sallai (Lucas Hoeler)

68'  Nils Petersen (Janik Haberer)

68'  Vincenzo Grifo (Gian-Luca Waldschmidt)

90'  Jonathan Schmid (Nico Schlotterbeck)

90'  Robin Koch

Match-senterda ochish