Bugun Ro'ziqul Berdiev 45 yoshga to'ldi!

“Nasaf” deganda bir insonni uning yoniga qo'shmasdan gapirib bo'lmaydi. Bu inson ham “Nasaf”siz hayotini tasavvur qila olmaydi. Ushbu inson bu maqomga faqat o'zining mehnati va fidoiyligi bilan sazovor bo'lgan.
 
Bugun mana shunday inson, “Nasaf” jamoasining bosh murabbiyi Ro'ziqul Berdiev 45 yoshini nishonlamoqda.
 
U 1997 yildan beri “Nasaf” bilan birga. 2008 yilda professional futbolchilik faoliyatini yakunlab murabbiylar shtabiga qo'shildi. Ro'ziqul Berdiev “Nasaf” safida 314 marta maydonga tushgan futbolchi va juda ko'p mavsumda jamoaga sardorlik ham qilgan. 2012 yildan jamoamizga bosh murabbiylik qilmoqda.
 
Berdiev qo'li ostidagi jamoamiz o'z hayotida yangi sahifani ochdi. O'tgan 2015 yilda O'zbekiston Kubogini, joriy yil boshida esa O'zbekison Superkubogini qo'lga kiritdi. Bu yil ham u rahbarligidagi jamoamiz O'zbekiston Kubogi finaliga yo'llanmani qo'lga kiritgan. Bu yutuqlarda uning salmoqli hissasi bor.
 
“Nasaf” PFK rahbariyati, murabbiylari, futbolchilari hamda butun Qashqadaryo futboli ishqibozlari nomidan u kishini bugungi tavallud ayyomi bilan samimiy tabriklaymiz. U kishiga sihat-salomatlik, uzoq umr va baxt saodat tilaymiz. Oila azolaringiz va farzandalaringiz baxtiga va barcha futbol muxlislari baxtiga doimo bor bo'ling. Siz bizning ardoqli kishilarimizdan birisiz! Doimo sog'-salomat bo'ling! Zafarli g'alabalarda xamisha birga bo'laylik! Niyatimiz, har doim shunday elimiz ardog'ida bo'ling!
 
45 yoshingiz qutlug' bo'lsin!
 
“Nasaf” PFK jamoasi