Bugun Osiyo Kubogi U-22 start oladi

Olimpiya terma jamoalari endilikda har ikki yilda bir marta qita chempionatida ishtirok etishadi. Olimpiada o'yinlari yo'llanmasi sohiblari ham ushbu turnir orqali aniqlanadi. 2013 yilda o'tishi lozim bo'lgan musobaqa 2014 yilning yanvariga qoldirilgandi. Unda SHuhrat Maqsudov boshchilik qilayotgan olimpiya terma jamoamiz qatnashadi. Terma jamoamizning tayyorgarligi, raqiblar hamda musobaqa to'g'risida batafsil malumotlarni taqdim etamiz.

CHEMPIONAT
2012 yil OFK 22 yoshgacha bo'lgan terma jamoalar uchun yangi chempionat tashkil etish haqida qaror qabul qildi. Unga ko'ra, Olimpiada yo'llanmasi masalasi ham chempionatning o'zida hal etilishi kerak edi. U xuddi milliy terma jamoalar o'rtasidagi Osiyo Kubogi bilan bir xil formatda o'tkaziladi. O'sha yilning iyul oyida Ummon ilk turnir mezboni sifatida tasdiqlandi. Ummonliklar bu borada Tailandni ortda qoldirishdi.

Ummon sultonligi Arab ko'rfazida joylashgan davlatlardan biridir. Yaman, Eron, BAA va Saudiya Arabistoni bilan chegaralari mavjud. Hududi 309501 kvadrat kilometrdan iborat. Aholisi esa 3 million 900 mingga yaqin. CHempionat uchrashuvlari poytaxt Maskat va unga yaqin joylashgan Sib shaharlarida bo'lib o'tadi. Aholisi bo'yicha ushbu shaharlar Ummonda eng ko'p aholi istiqomat qiladigan dastlabki ikki shahar hisoblanadi. Maskatdagi bellashuvlar Sulton Qobus sport majmuasi “Qirollik policiyasi” stadionlarida, Sibdagi bahslar “Sib” stadionida o'tkaziladi. Terma jamoamiz barcha o'yinlarini Sib shahrida o'tkazadi. Sulton Qobus sport majmuasi 34 ming muxlisga mo'ljallangan. Milliy terma jamoa asosiy uchrashuvlarini shu stadionda o'tkazib keladi. “Qirollik policiyasi” 14, “Sib” stadioni 15 ming muxlisni bag'riga sig'diradi.

Ilk bor o'tkaziladigan chempionatda qitaning barcha etakchi terma jamoalari ishtirok etadi. “S” va biz qatnashadigan “D” guruhlarida teng kuchli jamoalar yig'ilgan. Guruhlar tarkibi va uchrashuvlar o'tkaziladigan sana hamda stadion bilan tanishib oling. Bahslar boshlanishi Toshkent vaqtida keltirilgan.

“A” guruhi
Ummon
Iordaniya
Janubiy Koreya
Myanma
11 yanvar
18:00 Janubiy Koreya – Iordaniya   “Qirollik policiyasi”
21:00 Ummon – Myanma   Sulton Qobus sort majmuasi
13 yanvar
18:00 Myanma – Janubiy Koreya   “Qirollik policiyasi”
21:00 Iordaniya – Ummon   Sulton Qobus sport majmuasi
15 yanvar
21:00 Ummon – Janubiy Koreya   Sulton Qobus sport majmuasi
21:00   Iordaniya – Myanma    “Qirollik policiyasi”

“B” guruhi
KXDR
BAA
Suriya
Yaman
11 yanvar
18:00 KXDR – Yaman   “Sib”
21:00 BAA – Suriya   “Sib”
13 yanvar
18:00 Suriya – KXDR   “Sib”
21:00 Yaman – BAA   “Qirollik policiyasi”
15 yanvar
18:00 KXDR – BAA   “Sib”
18:00 Suriya – Yaman   “Qirollik policiyasi”

“S” guruhi
Eron
Yaponiya
Avstraliya
Quvayt
12 yanvar
18:00 Avstraliya – Quvayt   “Qirollik policiyasi”
21:00 Yaponiya – Eron   “Qirollik policiyasi”
14 yanvar
18:00 Eron – Avstraliya   “Qirollik policiyasi”
21:00 Quvayt – Yaponiya   “Qirollik policiyasi”
16 yanvar
18:00 Avstraliya – Yaponiya   “Qirollik policiyasi”
18:00 Eron – Quvayt   “Sib”

“D” guruhi
Iroq
Saudiya Arabistoni
O'zbekiston
Xitoy
12 yanvar
18:00 O'zbekiston – Xitoy   “Sib”  (Sport TV live)
21:00 Saudiya Arabistoni – Iroq   “Sib”
14 yanvar
18:00 Iroq – O'zbekiston   “Sib”   (Sport TV live)
21:00 Xitoy – Saudiya Arabistoni   “Sib”
16 yanvar
21:00 Saudiya Arabistoni – O'zbekiston   “Sib” (Sport TV live)
21:00 Xitoy – Iroq   “Qirollik policiyasi”

CHorak final
19 yanvar
18:00 “V” guruhi g'olibi – “A” guruhi 2-o'rin   “Sib”
21:00 “A” guruhi g'olibi – “V” guruhi 2-o'rin   Sulton Qobus sport majmuasi
20 yanvar
18:00 “D” guruhi g'olibi – “S” guruhi 2-o'rin   “Qirollik policiyasi”
21:00 “S” guruhi g'olibi – “D” guruhi 2-o'rin   “Sib”

Yarim final
23 yanvar
18:00 3-juftlik g'olibi – 4-juftlik g'olibi   “Sib”
21:00 1-juftlik g'olibi - 2-juftlik g'olibi   Sulton Qobus sport majmuasi

3-o'rin uchun
25 yanvar
20:30 “Sib”

Final
26 yanvar
20:30   Sulton Qobus sport majmuasi
 

Behzod Nazarov tayyorladi.