Bugun futbol. "Nasaf" - "Neftchi"

Nasaf (Qarshi) – Neftchi (Farg'ona)
6 may 2017. G'uzor. "G'uzor" stadioni. 18:30
Hakamlar: V. Serazetdinov (Toshkent), F. Yarmuxamedov (Toshkent), B. Baxromov (Toshkent), A. Najafaliev (Toshkent)
Nazoratchi: A. Arutyunov (Toshkent).
O'zPFL vakili: SH. Rajabov.

O'yindan nima kutyapmiz? Avvallari "Nasaf" va "Neftchi" o'rtasidagi bahslar juda shiddatli kechadi. Lekin oxirgi yillarda bu shiddat ancha yo'qolgandek. Xo'sh, bugungi o'yin qiziqarli va kurashlarga boy tarzda o'tadimi? Ko'ramsiz, balki shunday bo'lishi ham mumkin.

Turnir jadvalidagi o'rni: "Nasaf" hisobida 13 ochko bor va jamoa 6-o'rinni egallab turibdi. "Neftchi" esa sakkiz o'yindan so'ng atigi 6 ochko bilan jadvalning 14-pog'onasida bormoqda.

Fakt: O'z maydonida uchta o'yin o'tkazgan "Nasaf" shuning hammasini g'alaba bilan yakunlagan. Qarshiliklar "Buxoro", "So'g'diyona" va "Obod"dan ustun kelishgan. "Nasaf" bo'lib o'tgan mana shu bellashuvlarda atigi bitta gol o'tkazib yuborgan. To'plar nisbati 7-1.

Fakt: "Neftchi" bugun safarda beshinchi o'yinida maydonga tushadi. Avvalgi to'rt uchrashuvdan ikkitasi Fyodorov shogirdlarining mag'lubiyati bilan yakun topgan. Jamoa safarda "SHo'rtan" va "Buxoro" klublariga imkoniyatni boy bergan. "Navbahor" bilan durang o'ynagan bo'lsa, "So'g'diyona"ni 1:0 hisobida mag'lub etgan.

Bilasizmi? "Neftchi" uydagi o'yinlardan ko'ra safarda ko'proq ochko jamg'argan. Uyda 2, safarda 4, jami - 6 ochko.

Fakt: "Nasaf" oxirgi beshta o'yinning ikkitasida g'alaba qozondi. Berdiev shogirdlari "So'g'diyona" va "Obod"dan ustun kelishdi.

Fakt: "Neftchi" ortda qolgan sakkizta o'yinning faqat bittasida zafar quchgan. "Metallurg" va "Obod" klublari ham xuddi "Neftchi" kabi bittadan g'alabaga erishishgan.