Bugun futbol. "Metallurg" - "Nasaf"

Oxirgi paytlarda "Nasaf"ning hech omadi kelmayapti va ko'pchilik buni jamoadagi moliyaviy holat bilan izohlamoqda. Balki shundaydir, balki boshqa sabablari ham bordir. Lekin fakt shuki, "Nasaf" oxirgi beshta uchrashuvdan to'rttasida mag'lubiyatga uchradi.

Musobaqa jadvalida "Nasaf" o'ziga yarashmagan o'rinni egallab turibdi: 7-o'rin. "Metallurg" esa "Nasaf"dan bir pog'ona yuqorida bormoqda. "Metallurg" shu paytgacha 19, "Nasaf" 17 ochko jamg'argan.

Bekobodliklar doim ham bir tekis o'yin namoyish eta olishmayapti. Jamoa o'z maydonida "Buxoro" va safarda "Qizilqum"ni mag'lub etganidan so'ng ketma-ket ikki uchrashuvda yutqazib qo'ydi. Oxirgi uy o'yinida esa "Lokomotiv"ni 2:0 hisobida mag'lub etdi.

"Nasaf" haqida gapiradigan bo'lsak, bu jamoa qatorasiga sakkiz bellashuvda mag'lubiyat nimaligini bilmadi, biroq shundan keyin uch bor mag'lub bo'ldi. Orada "Neftchi" 2:0 hisobida yutgan "Nasaf" avvalgi turda "Buxoro"ga imkoniyatni boy berdi.

Agar "Metallurg" bugun ham o'z maydonida "Loko"ga qarshi o'yinini namoyish etadigan bo'lsa, "Nasaf"ga juda qiyin bo'ladi. Mabodo "Nasaf"g'alaba qozongudek bo'lsa, unda muvaffaqiyatsizliklar girdobidan chiqib ketishi mumkin.