Bugun futbol. "Buxoro" - "Lokomotiv"

Superliganing ikkinchi bosqichi boshlanganidan beri jamoalar ikkitadan o'yin o'tkazishdi. "Lokomotiv" ikki marta g'alabaga erishgan bo'lsa, "Buxoro" har ikkala o'yinda yutqazib qo'ydi. Buxoroliklar avvaliga "Bunyodkor", undan keyin "Paxtakor" mehmoni bo'lib mana shu bahslarda o'z darvozasidan 5ta to'p o'tkazib yubordi.

Ulug'bek Baqoev shogirdlari shu ikki o'yinda faqat bitta to'p kirita olishdi. Mana endi bugun jamoa o'z maydonida o'ynaydi. Raqib ham anoyi emas. Amaldagi chempion - "Lokomotiv". Albatta, "Lokomotiv" jiddiy raqib hisoblanadi. Buning ustiga "Buxoro"ning ishlari yurishmayotgan bir paytda yanada qiyin bo'lishi turgan gap.

Birinchi bosqichda o'tkazilgan har ikkala uchrashuvda "Buxoro" raqibiga imkoniyatni boy bergandi. Toshkentda 1:3 va uyda 0:1 hisobi qayd etilgan. Bilasizmi, "Buxoro" ketma-ket to'rtta o'yindan beri faqat mag'lubiyatga uchramoqda. Jamoa oxirgi marta o'z maydonida "Metallurg"ni 2:1 hisobida mag'lub etgan.

21-tur. "Navbahor" - "Buxoro" 2:0
22-tur. "Buxoro" - "Lokomotiv" 0:1
23-tur. "Bunyodkor" - "Buxoro" 3:0
24-tur. "Paxtakor" - "Buxoro" 2:1

"Lokomotiv" haqida gapiradigan bo'lsak, bu jamoa hozircha turnir jadvalida birinchi o'rinni egallab turibdi. "Loko" ikkinchi bosqichni yaxshi boshladi. SHuningdek, birinchi bosqichni ham ijobiy yakunlagandi. "Lokomotiv" oxirgi 11ta uchrashuvdan beri yutqazmay kelyapti. "Temiryo'lchilar" so'nggi bor 13-tur o'yinida "Metallurg"ga 0:2 hisobida imkoniyatni boy berishgan. Bundan tashqari, "Lokomotiv" oxirgi 3ta turdan beri faqat g'alaba qozonyapti.

22-tur. "Buxoro" - "Lokomotiv" 0:1
23-tur. "Metallurg" - "Lokomotiv" 0:1
24-tur. "Lokomotiv" - "Bunyodkor" 2:1