Bu safar durang: Armaniston – O'zbekiston - 1:1

Avans futbol akademiyasi maydonida bo'lib o'tgan o'yinda bu safar 1:1 hisobidagi durang natija qayd etildi.

Jasur Abduraimov boshchiligidagi terma jamoamiz so'nggi daqiqada kiritilgan gol evaziga mag'lubiyatdan qutulib qolgan. Aniqrog'i, asosiy vaqtga qo'shib berilgan ikkinchi daqiqada Saidjamol Davlatjonov muvozanatni tiklagan. O'yinning 59-daqiqasida Robert Minasyan mezbonlarni hisobda oldinga olib chiqqan edi.

Eslatib o'tamiz, bu ikki jamoaning 26 aprel kuni bo'lib o'tgan ilk uchrashuvida terma jamoamiz 3:1 hisobida g'alaba qozongandi. Endi Jasur Abduraimov jamoasi may oyida Qatar yoshlar terma jamoasi bilan Doha va Toshkentda bittadan o'rtoqlik uchrashuvi o'tkazishni rejalashtirmoqda.