"Navbahor" muxlislari bilan doim faxrlanaman" - Azim Ahmedov

CHempionlik uchun davogarlik qilayotgan ikki klub AGMK va "Navbahor" jamoalari Superliganing 13-turida o'zaro to'qnash keldi. Qiziqarli va shiddatli o'tgan uchrashuvda omad namanganliklarga qulib boqdi (1:2). Bahs yakunlangach jamoa etakchisi Azim Ahmedovning fikrlari bilan qiziqdik. 

OKMK Shohruh Gadoyev - 48'

Superliga. 13-tur 01/07/2022, 20:00 2 : 1 Tugadi

Navbahor Jamshid Iskanderov - 11', Zoran Marushich - 82'

45'

90'

31'  Abdulla Abdullaev

48'  Shohruh Gadoyev

83'  Sanjar Tursunov (Alisher Jalilov)

83'  Siyavash Haqnazariy (Mirjamol Qosimov)

83'  Shohruh Gadoyev (Nodir Abdurazzoqov)

87'  Akrom Komilov (Ahmadullo Muqimzhonov)

87'  Martin Boake (Aleksandr Kasyan)

11'  Jamshid Iskanderov

38'  Boyan Siger

46'  Andrey Sidorov (Zoran Marushich)

64'  Boyan Siger (Stanislav Andreyev)

64'  Nurillo To'xtasinov (Azim Ahmedov)

68'  Asadbek Sobirzhonov (Ehsoni Panshanbe)

82'  Zoran Marushich

Match-senterda ochish

- AGMK bilan o'yin turning markaziy to'qnashuvi hisoblanardi. Jamoalar turnir jadvalida yonma-yon ketayotgandi. O'yin surati esa yuqoridagi omillarga mos bo'ldi. SHunday ekan taassurotlar qanday bo'ldi?

- G'alaba bilan tabriklagan barchaga rahmat aytaman. G'alaba ikki jamoaga ham suv va havodek zarur edi. G'alaba bilan muxlislarni xursand qilishni maqsad qilgandik. 

- "Navbahor"ning birinchi davradagi eng yaxshi o'yinimi? Qaysidir manoda raqib ham ochiq futbol taklif qilgani bunga sabab bo'lgandir...

- Bunday o'yinlarda birinchi marotaba emas, avval ham ishtirok etganmiz. Yigitlarning ko'zi yonib turgan, shijoati bor edi. Qanday bo'lmasini yutishimiz kerakligini his qilib turgandik. Hammasi o'z qo'limizda. Oxirigacha kurashamiz. Umuman bu yil kutilmagan natijalar ko'p kuzatilmoqda. Kuchsiz jamoa yo'q. 

- Jamoaning o'yinida ham, natijasida ham bu yil o'sish bor...

- To'g'ri aytdingiz. Futbolchilar bir oila bo'lib jipslashgan. Murabbiyning talablarini bajaryapmiz. 

- Uchrashuv yakunlangach g'alabani muxlislar bilan nishonladingiz. Azim Ahmedov "Navbahor" libosidagi so'nggi o'yinini o'tkazdimi? 

- Ijtimoiy tarmoqlarda turli gaplarni eshityapman. Men haqimda namanganlik muxlislar fikrlar bildirishmoqda. Ularga kecha futbolkamni sovg'a qildim. "Navbahor" muxlislari bilan doim faxrlanaman. Kechagi ajoyib g'alabani jo'shqin hissiyotlar ostida birga nishonladik. Ishqibozlarga kelib qo'llab-quvvatlagani uchun rahmat aytaman. Ketishimga kelsak, bu masalani hali gaplashganim yo'q. O'yinlar yakunlangach murabbiy va rahbariyat bilan xotirjam gaplashib kelishib olamiz, degan umiddaman.  

- "Metallurg", "Qizilqum" jamoalari sizga qiziqish bildirayotgani haqida eshitdik, ehtimoliy o'tadigan jamoangiz shularmi?

- Sir bo'p qola qolsin. Hozirda "Navbahor" bilan shartnomam bor.