So’nggi yangiliklar

07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  20 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  37 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  6 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7 21:55CAFA Nations Cup-2025. Ўзбекистон — Ўмон 1:1   30 21:32"CAFA Nations Cup-2025" Ўзбекистон илк ўйинда Кейруш бошчилигидаги Ўмонни юта олмади  376

Bu chempionatda istalgan raqibni mag'lub etsa bo'ladi Yangiliklar

Bu chempionatda istalgan raqibni mag'lub etsa bo'ladi

U-23 Osiyo chempionati 1/4 finalida O'zbekiston olimpiya terma jamoasi BAAni yirik 5:1 hisobida mag'lub etib yarim finalga yo'l oldi.

Endi bizni Tokio Olimpiadasidan bitta (ikkita) o'yin ajratib turibdi. Keyingi bosqichda Saudiya Arabistoni raqibimiz bo'ladi. Agar bu jamoani mag'lub etsak, U-23 Osiyo chempionati tarixida ikkinchi bor finalga chiqish bilan birga o'zbek futboli tarixida birinchi bor Olimpiya o'yinlariga yo'llanma olamiz. 

Mabodo mag'lubiyatga uchrasak, unda 3-o'rin uchun kechadigan bahsda g'olib bo'lishga to'g'ri keladi. CHunki Olimpiadaga Osiyo uchun uchta o'rin berilgan. Yaponiya mezbon hamda guruhdan chiqa olmaganini hisobga olsak, buyog'iga faqat medal taqadigan jamoalar Olimpiya chiptasiga ega bo'ladi. 

Bugungi o'yinda yigitlar ishonch bilan harakat qilishdi. Bu o'yin guruh bahslaridan tamomila farq qildi. Biz bugun Eron, Xitoy va Janubiy Koreya bilan o'ynagan O'zbekistonni ko'rmadik, balki o'ziga yanada ishongan, gol o'tkazib ham tizzasi qaltiramaydigan jamoani ko'rdik. Natijada o'tkazib yuborilgan bitta golga javoban beshta gol urdik. 

Bu g'alabada hammaning hissasi bor, murabbiylar shtabidan tortib muxlislar-u, futbolchilargacha. Kerak bo'lsa, olimpiyachilarimizni qo'llab-quvvatlash maqsadida Tailandga borgan Ro'ziqul Berdiev bilan Vadim Abramovning ham. Endi baribir har bir futbolchiga eng katta tasir o'tkazadigan o'z ona tilingda murojaat qilishdir. Ishonamizki, Berdiev albatta "Nasaf" futbolchilarini tergab qo'ygan. 

Bu shunday Osiyo chempionatiki, istalgan raqibni mag'lub etsa bo'ladi. Bizning o'yindan avval nihoyasiga etgan Janubiy Koreya - Iordaniya bahsini ham ko'rdik. Iordaniyaliklar ikkinchi taymda koreyslarni "ezib" qo'yishdi. Faqat zo'r mahorat evaziga amalga oshirilgan jarima to'pi koreyaliklarga naf berdi. Lekin bu jamoani yutsa bo'ladi. 

Yarim finaldagi raqibimiz Saudiya Arabistoni mezbon Tailandni musobaqadan chiqarib yubordi. Ammo ularni ham zo'r deb bo'lmaydi. O'yini juda bir vahima qiladigan darajada kuchli emas. Ular Tailandni zo'rg'a 1:0 yutishdi. 

Buyog'iga hammasi o'z qo'limizda. Bizga xalaqit beradigan omillar qolmadi. Agar shu ruhda davom etsak, ishonamizki, yigitlar saudiyaliklarni ham mag'lub eta olishadi. Muhimi, bosimga tushib qolmaslik. Jimgina maydonga chiqib o'z o'yinimizni ko'rsatishimiz kerak. Biz uchun finalga chiqish nihoyatda muhim hisoblanadi. CHunki 3-o'rin uchun o'yindagi bosim finaldagidan ikki barobar ko'p bo'ladi. 

Yigitlarni hadeb yosh deyish fikridan yiroqmiz. Ular allaqachon Superligada pishgan bolalar. Bu ham Saudiya Arabistoni bilan o'yinda bizning foydamizga xizmat qilishi kerak. SHunday ekan, final sari olg'a, O'zbekiston! Biz vazifani uddalay olamiz.

Reyting: +51   

Fikrlar

championat.asia
< so’nggi yangiliklarni ko’rish
Яндекс.Метрика