So’nggi yangiliklar

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

Braziliyalik murabbiy Osiyo Kubogi-2007dagi g'alabani yodga oldi Yangiliklar

Braziliyalik murabbiy Osiyo Kubogi-2007dagi g'alabani yodga oldi

Bundan o'n yil oldin 29 iyul kuni Iroq terma jamoasi Osiyo Kubogida g'olib chiqqandi.

Osiyoning to'rt davlati - Vetnam, Malayziya, Indoneziya va Tailandda bo'lib o'tgan musobaqa qiziqarli bahslarga boy bo'lgandi. Finalga esa ko'pchilik kutmagan Iroq va Saudiya Arabistoni termalari etib kelishgan, yakunda Iroq 1:0 hisobida zafar quchgandi. 

O'yinda iroqlik hujumchi Yunis Mahmud tomonidan kiritilgan yagona gol braziliyalik murabbiy Jorvan Vieyra shogirdlariga tarixiy g'alabani taqdim etgandi. Yaqinda Jorvan Vieyra OFK saytiga intervyu berib, o'sha chempionlikni yodga oldi: 

- "Biz oxirgi daqiqalarda g'alabani qo'ldan chiqarishimiz mumkin edi. Esingizdami, Malik Muazning bosh bilan bergan zarbasi? To'p darvoza to'sinining shundoqqina tepasidan o'tib ketgandi. Agar o'sha zarba gol bo'lganidami, biz yutqazib qo'yishimiz ham mumkin edi". 

- "O'yinni juda asabiy o'tkazganman. Esimda, boshidan oxirigacha atrofdagilarga baqirib yurgandim. CHunki bu final edi".

- "G'alaba siri nimada bo'lgan? Birinchi navbatda final kuni ko'p uxlamay vaqtli turib olgandim. Keyinchalik nonushta mahal futbolchilarning xonasiga birma-bir kirib ular bilan choy ichdim va ularni xotirjam bo'lishga chaqirdim. Ko'pchilik Iroq omad tufayli finalga chiqib qolganini aytadi. Lekin bunday emas, biz o'sha payt rostan kuchli edik".

"Biz finalga qadar Avstraliya, Tailand, Janubiy Koreya kabi jamoalarni mag'lub etganmiz va bu o'z-o'zidan ro'y berib qolgani yo'q. Bunday turnirlarda jismoniy va ruhiy tayyorgarlik juda katta rol o'ynaydi. O'shanda Iroqda urush ketayotgandi, lekin men shogirdlarimni bir maqsad yo'lida jipslashtira olganimdan xursandman. 2007 yil Osiyo Kubogidagi g'alaba men uchun unutilmas voqea bo'lib qoladi".




Reyting: +10   

Fikrlar

championat.asia
< so’nggi yangiliklarni ko’rish
Яндекс.Метрика