Braziliya terma jamoasi bilan o'rtoqlik uchrashuvi o'tkazish qancha turadi?

4 kun oldin braziliyaliklar Franciyaning Lill shahrida Yaponiya bilan o'rtoqlik o'yinida maydonga tushishgan edi. So'nggi besh yil davomida Braziliya terma jamoasi 33ta o'rtoqlik uchrashuvi o'tkazdi. Ularning 24tasi chet mamlakatlarda o'tkazildi.

Bu o'rtoqlik o'yinlari martda ham davom etadi. Bahor oyida ular avvaliga Rossiya, keyinroq esa Germaniya terma jamoasiga qarshi bahs o'tkazishadi.

Bu darajada ko'p o'rtoqlik uchrashuvlari o'tkazishning bir sababi bor. 2013-2014 yillarda Braziliya terma jamoasi mezbon sifatida jahon chempionati saralash o'yinlarida qatnashmadi. So'nggi besh yil ichida Janubiy Amerika jamoasi o'rtoqlik uchrashuvlarida yaxshigina pul ishlab oldi.

2013 yil "Stemford Brij"da o'tgan Rossiya - Brazilya o'rtoqlik uchrashuvini tashkillashtirish uchun 3 mln. dollar sarflangan.

O'yin xatto noqulay joy va noqulay vaqtda o'tkazilsa ham, bunday tijorat maqsadlari hisobga olingan bo'ladi. Yaqinda bo'lib o'tgan Yaponiya va Braziliya terma jamoalari o'rtasidagi uchrashuv vaqtli boshlanishiga sabab bor. Bu o'yin bir necha o'n millionlik Osiyo qitasi futbol ishqibozlari tomosha qilishi uchun mo'ljallangan edi.

Qatarda bo'lib o'tgan Braziliya hamda Argentina terma jamoalari o'rtasidagi bahs uchun 8,6 mln. dollar sarflangani taxmin qilingandi. Keyinroq SHveycariya sudi ushbu o'yin borasida tekshiruv o'tkazgan. Braziliyaliklar bu bahsdan 1,15 mln. dollar daromad ko'rishgan edi.

2010 yilda Tanzaniya futbol federaciyasi Braziliya bilan o'z mamlakatida o'rtoqlik uchrashuvi o'tkazish uchun 2,5 mln. dollar to'lagan. Biroq o'sha bahs o'tkazilishi kerak bo'lgan 60 minglik stadionning yarmi to'lgan. O'rtacha olib hisoblaganda, bugungi kunda Braziliya terma jamoasini o'z mamlakatiga taklif qilib, ular bilan o'rtoqlik uchrashuvi o'tkazish 3 mln. funt turadi.