Botirali Ergashev - "Nasaf" bilan o'yin, Eshbo'taevning xatosi, samarqandlik muxlislarga tilagi haqida

Mazkur uchrashuvning ikkinchi bo'limida mezbonlar safida Botirali Ergashev maydonga tushdi. "Paxtakor" klubi tomonidan ijraga berilgan darvozabon bilan ilk o'yin borasida suhbatlashdik.

- Superliganing 1-turida "Nasaf" bilan 1:1 hisobida durang qayd etildi. O'sha o'yin haqida nimalar deya olasiz?
- "Nasaf" bilan o'yinda menimcha biroz hayajon bo'ldi. Birinchi taymda hayajonni engib o'tdik va ikkinchi taymda o'yinimiz yaxshi chiqdi.

- Birinchi taymda Eshbo'taev kutilmagan gol o'tkazib yubordi. Darvozabon sifatida o'sha vaziyatga izoh bersangiz.
- Etiborsizlik oqibatida gol qo'yib yubordik deb o'ylayman. SHohruh Eshbo'taev mening jamoadoshim, hamkasbim. U xatoni men ham qilishim mumkin edi. SHohruhni qo'llab-quvvatlayman. O'sha vaziyatda raqiblar jarima to'pini tez amalga oshirishdi va uzoqdan zarba berildi. Jarima maydoni ichida futbolchi juda ko'p edi va to'p qaerdan kelayotganini SHohruh ko'rmay qolgan bo'lishi mumkin.

- Adashmasam "Dinamo"ga juda kech qo'shildingiz...
- "Dinamo"ga "Nasaf" bilan o'yinga ikki kun qolganida kelib qo'shildim. SHu bois birnchi turda asosiy tarkibda maydonga tushmasligimni juda yaxshi bilardim. Eshbo'taev o'tgan yildan buyon "Dinamo"da o'ynab kelmoqda. Jamoada sog'lom raqobat bor. Mashg'ulotlarda futbolchilar maydonga tushish uchun kurash olib borishadi.

- O'tgan yil "Navbahor"da, bu yil "Dinamo"da ijaradasiz. "Paxtakor"dan xafa emasmisiz?
- Buni to'g'ri tushunish kerak. "Paxtakor"da raqobat juda ham kuchli. Bu erda O'zbekistonning eng kuchli darvozabonlar bor. Ularga etib olishim uchun ancha bor. Suyunov, Quvvatov bilan birga mashg'ulot o'tkazganimdan faxrlanaman. Nesterov, Lobanov, Suyunovning o'yinlarini yoshligimdan kuzatib kelardim va ularga havas qilardim. Endi ular bilan birga o'ynayapman.

- 2-turni "Dinamo" "Surxon"ga qarshi o'tkazadi. Bu o'yindan nima kutayapsiz?
- Yaxshi o'yin bo'ladi. CHunki ikki debyutant jamoa ham o'zini ko'rsatishga urinadi. Superligaga munosib ekanligini isbotlashga urinamiz. Qisqasini aytganda maydonda "jang" bo'ladi.

- Samarqandlik muxlislarga aytar so'zingiz...
- Samarqandlik muxlislar katta futbolni sog'inib qolishgan. Buni ilk turda guvohi bo'ldik. O'yinlarga chorlab qolamiz. Stadionga qancha ko'p muxlislar kelishsa, biz shuncha ko'p kuch bilan o'ynaymiz.

Narzulla Saydullaev suhbatlashdi