Birinchi liga. “NBU-Osiyo” - “Obod” bahsi oldidan taxminingiz qanday?

Bo'lajak bahsga bo'lgan qiziqish yuqori deyish mumkin. Boisi oliy ligaga chiqish uchun kurashayotgan “Obod”ning shashti baland. Bu jamoa futbolchilari aynan mazkur uchrashuvda g'alaba qozonib, yaqin taqibchilaridan bir necha ochkoga ilgarilab ketishga astoydil urinishi turgan gap. Lekin rasmiy jihatdan mezbonlik vazifasini bajaradigan “bankirlar” ham osonlik taslim bo'lmaydi. Bu borada jamoa ustozi Rufat Akramxo'jaev saytimizga kecha bergan intervyusida ham aytib o'tgandi. Tarkib jihatdan olib qaralsa bizningcha har ikki jamoada ham bu borada tenglikni ko'rish mumkin. Koshelev, Navkarov, Umurzoqov singari mahoratli o'yinchilarga ega bo'lgan “NBU-Osiyo” peshqadamdan ochko tortib olish uchun kurashish aniq.

Ahillik va jamoaviy o'yin evaziga muvaffaqiyat qozonib kelayotgan “Obod” ham qarab turmaydi va kamida durang uchun o'ynasa kerak.  
Bugun soat 16:30da poytaxtimizdagi “Jar” stadionida kechadigan ushbu o'yinni kuzatish maqsadida futbol kishilarini ham tashrif buyurishlari kutilmoqda.

“NBU-Osiyo” - “Obod”. Imkoniyatlar: 50x50