Birinchi liga. Bugungi o'yinlari oldidan taxminingiz qanday?

Xo'sh, jamoalarning g'alabaga bo'lgan imkoniyati qanday? Quyida shunga to'xtalib o'tamiz.

“SHarq” mintaqasi

“Oq-tepa” – “Yozyovon-Lochinlari”
CHempionat peshqadami “Oq-tepa” o'z maydonida har qanday raqibga jiddiy qarshilik ko'rsatish bilan bir qatorda, osonlik ochko ulashmaydi. Boz ustiga ularning raqibi debyutant “Yozyovon-Lochinlari” jamoasidir. Ushbu jamoalarning birinchi davradagi uchrashuvida toshkentliklar safarda 2:0 hisobida g'alaba qozongandi. Katta extimol bilan bugun ham “Oq-tepa”ning imkoniyatini yuqori baholaymiz. “Yozyovon-Lochinlari”dan esa sensaciya kutib qolamiz.
Imkoniyatlar 70x30.   

“Kosonsoy” – “Bunyodkor-2”
Kosonsoyliklar ham o'z maydonidagi o'yinlarni yutib, muxlislarini quvontirishga urinadi. Lekin bugun ularni jiddiy qarshilik kutib turibdi. Boisi “Bunyodkor-2” vodiydagi safar o'yinlarida munosib kurashmoqda. Birinchi davrada Toshkentda kechgan bahsda “Kosonsoy” 2:1 hisobida zafar quchgandi.
Imkoniyatlar 60x40.

“G'arb” mintaqasi

“SHerdor” – “Obod”
Moliyaviy jihatdan katta muammolarga duch kelayotgan Samarqandning “SHerdor” jamoasining chempionatdagi ishtiroki ham muxlislari kutganchalik bo'lmayapti. Sayfullo SHaripov shogirdlari bugun chempionat etakchisi Toshkentning “Obod” jamoasiga qarshi maydonga chiqadi. Katta extimol bilan bugun mehmonlar safardan g'alaba bilan qaytadi degan taxminimiz bor. Ushbu jamoalarning birinchi davradagi to'qnashuvida “Obod” 1:0 hisobida g'alaba qozongandi.
Imkoniyatlar 40x60.

“Mashal-2” – “Zomin”
Muborakdagi o'yin ham qiziqarli kechishi tabiiy. Dilshod Andaev boshqaruvidagi “Mashal-2” osonlikcha taslim bo'lmaydi. Lekin “Zomin” ham safardan ijobiy natija bilan qaytishni ko'zlashi aniq. CHempionatdagi ilk uchrashuvda zominliklar o'z maydonida 2:1 hisobida g'alaba qozongandi. Ko'ramiz bugun kimning omadi choparkin.
Imkoniyatlar 50x50.

“Orol” - “Xorazm”
Nukusda har qanday raqibga oson bo'lmasligi turgan gap. Muxlislarning daldasi ham jamoa g'alabasini taminlovchi asosiy omil bo'lishi shubhasiz. Nematulla Qutiboev boshqaruvidagi jamoa bugun “Xorazm”ni mag'lub etishga urinadi. Bizningcha ular maqsadiga erishadi. Urganchliklar o'z maydonidagi ilk uchrashuvda 2:0 hisobida g'alaba qozongandi.
Imkoniyatlar 60x40.