Birinchi liga. Bugungi o'yinlardan oldin kimning imkoniyati yuqori?

Bugungi o'yinlardan oldin jamoalarning imkoniyatini chamalab ko'ramiz.

"Istiqlol" - "SHo'rtan"
Ikkala jamoa ham bu o'yinda bor imkoniyatlarini ishga solishlari tabiiy. Ajoyib bahs guvohiga aylanishimiz tayin.
Imkoniyatlar: 45-55

"Paxtakor2" - "Mashal2"
Bu ikki farm klublar o'rtasidagi bahslar doimo shiddatligi bilan ajralib turadi. Asosan yoshlardan iborat bo'lgan bu jamoalar o'rtasidagi uchrashuv muhlislarning ham, murabbiylarning ham diqqat markazida bo'lishi aniq.
Imkoniyatlar: 50-50

"Uzdongju" - "SHerdor"
Bo'yoqchilar jamoasi tanaffusdan foydalanib bir qancha o'rtoqlik uchrashuvlari tashkil etishga muvaffaq bo'ldilar. Bu uchrashuvlarda bir qancha yoshlar sinovdan o'tkazildi. Bahs shiddatli kurashlarga boy tarzda o'tishi aniq.
Imkoniyatlar: 55-45

"Xotira79" - "Alanga"
Birinchi davradan keyin tarkibi kuchsizlangan uychiliklar ikkinchi bosqichga yaxshi tayyorgarlik ko'rganliklari tabiiy. "Alanga" ham quruq qo'l bilan qaytish uchun kelmaganliklarini isbotlash uchun maydonga chiqishlarini taxmin qilishimiz mumkin.
Imkoniyatlar: 55-45

"Obod" - "Xorazm"
Bu yil birinchi ligada debyut mavsumini o'tkazayotgan toshkentliklar ajoyib natijalarni qo'lga kiritishmoqda. Ularning raqibi anoyilardan emas. "Xorazm" ham bor kuchi bilan qarshilik ko'rsatishi mumkin.
Imkoniyatlar 60-40

"Qo'qon1912" - "Orol"
Oliy liga uchun kurashayotgan jamoalardan biri bugun jiddiy sinovga duch kelishadi. Ajoyib o'yinlari bilan ko'pchilikni xursand qilayotgan "Orol" qo'qonliklardan mag'lub bo'lmaslik uchun harakat qilishadi.
Imkoniyatlar: 60-40

Komiljon Ikromov tayyorladi.