Birinchi liga. 13-tur oldidan taxminingiz qanday?

Bo'lajak bahslar oldidan jamoalarning g'alabaga bo'lgan imkoniyatini shaxsiy fikrlarimizga asoslanib taxmin qilib o'tamiz.
   
“Istiqlol” – “Alanga”. 40x60.
O'tgan turda “Istiqlol” texnik g'alabaga erishgandi. Uning bugungi raqibi “Alanga”esa mag'lubiyatga uchragan. Mazkur uchrashuvda mehmonlarning uch ochkoga bo'lgan imkoniyati biroz yuqoridek ko'rinmoqda. Lekin maydon egalari ham mag'lub bo'lmaslikka urinishi turgan gap.

“Paxtakor-2” – “SHerdor”. 60x40.
Maydlon egalarining kayfiyatini yaxshi desa bo'ladi. Boisi No'mon Hasanov shogirdlari o'tgan turda “G'allakor-A”ni o'z maydonida mag'lub etib qaytgandi. “SHerdor” esa aksincha o'z maydonida raqibiga ochko ulashgan. SHu bois bugun “Paxtakor-2”ning uch ochkoga bo'lgan imkoniyati biroz yuqoridek. Lekin futbolda, ayniqsa birinchi ligada hamma narsa bo'lishi mumkin.
   
“UzDongJu” – “G'allakor-Avtomobilchi”. 90x10.
Andijonliklaring g'alabaga bo'lgan imkoniyati yuqori. Ikkinchi bosqichda birorta ham g'alaba qozona olmagan “G'allakor-A”ning “bo'yoqchilar” maydonidan ochko bilan qaytishi juda qiyin. CHunki mezbonlar o'z maydonida osonlikcha taslim bo'lmasdan kelmoqda. Yana kim biladi deysiz.  

“Xotira-79” – “Zomin”. 50x50.
Bu o'yinda har ikki jamoaning ham g'alaba qozonishga bo'lgan imkoniyati teng. Katta extimol bilan zominliklarning ochko yo'qotmasligini tahmin qilaman. CHunki uychiliklar oxirgi paytlarda juda bo'sh ko'rinmoqda. Bu jamoa ham g'alaba qozonmay qo'ydi.

“Obod” – “Mashal-2”. 70x30.
Liga debtanti “Obod” safarda ochko bilan qaytayotgan bir paytda uning o'z maydonida mag'lubiyatga uchrashini tahmin qilish noo'rin bo'lsa kerak. SHu bois toshkentliklar bugungi uchrashuvda ham uch ochkoga bo'lgan imkoniyatini yuqori baholadik. Lekin “Mashal-2”dan ham har narsa kutish mumkin. Extimol muborakliklar sensaciya qayd etar.  

“Qo'qon-1912” – “SHo'rtan”. 50x50.
SHubhasiz turning markaziy uchrashuvidir. Bo'lajak o'yinga qiziqish katta. SHaxsan o'zim ham Qo'qonga borib, o'yinni bevosita stadiondan turib kuzatmoqchiman. Bugun qo'qonlik ishqibozlar sevimli jamoasidan faqat g'alaba kutmoqda. CHunki bugun uch ochko qo'lga kiritilsa, oliy ligaga bir qadam qoladi. Buni ayni damda “Qo'qon-1912” futbolchilari ham juda yaxshi tushunib turgan bo'lsa ajab emas. Elita yo'llanmasini qo'lga kiritgan “SHo'rtan” ham bugun g'alaba uchun o'ynashi aniq. CHunki bosh murabbiy Muxtor Qurbonov saytimizga bergan intervyusida jamoasining bu yil 1-o'rinni egallashi muhim ekanligini takidlagandi.  

16 oktyabr (payshanba)
“Oq-tepa” – “Orol”. 50x50.
Mazkur uchrashuvda ham imkoniyatlar teng. Garchi “Oq-tepa” o'z maydonida o'ynasada, raqib jamoa “Orol” ham osonlikcha taslim bo'lmasligi aniq. SHaxsan bizda nukusliklarning tirishqoqligi iliq taassurot qoldirdi. Lekin ertaga Furqat Esonboev jamoasi ham o'z maydonida ochko yo'qotmaslikka urinishi turgan gap.   

“NBU-Osiyo” – “Xorazm”. 70x30.
Bizningcha “bankirlar” mag'lub bo'lmaydi. Aks xolda jamoa turnir jadvalida yanada pasayib ketadi. Lekin urganchliklarga ham ochko juda zarur. CHunki Vali Sultonov jamoasi ortda qolgan bahslarda muxlislarini quvontira olmadi. Lekin ertaga “NBU-Osiyo”ni yutishini tahmin qilamiz.

Bu shunchaki bizning shaxsiy taxminlarimiz. Qolganini esa o'yindan so'ng bilib olamiz.

Agarda ushbu taxminlarimiz qaysidir klub vakilini qoniqtirmagan bo'lsa, oldindan uzur so'raymiz va barcha jamoaga omad tilab qolamiz.

Islombek Rustambekov.