Bekzod Qodirqulov: "Tanaffus foydamizga ishladi"

"Bugun g'alaba qozonishimiz oson kechgani yo'q. Barcha chiziqlarda yigitlar jipslashgan holda harakat qilishdi. Bir-birlarini qo'llab-quvvatlashdi. Biroq 2:0dan so'ng biroz diqqatni yo'qotishdi. Umuman olganda, bo'shashishdi. SHuning hisobiga oxirgi daqiqalarda gol o'tkazib yubordik. O'tgan turda "SHo'rtan" bilan kechgan o'yinning videolavhalarini yaxshilab o'rganib chiqqandik. SHundan kerakli xulosalar chiqarildi. Orada 20 kunlik tanaffusda kamchiliklar ustida ishladik. Yakuniy zarbani yo'llashda muammolarimiz bor. Futbolchilarimiz yosh, lekin to'g'ri yo'ldamiz, deb o'ylayman. O'yin bo'yicha "Aral Samali" ikkinchi bo'limda yaxshigina muammo tug'dira oldi. 

Oraliqda 20 kunlik tanaffus yuzaga keldi. Bo'sh vaqtda tayyorgarlik ko'rish uchun imkoniyat yuzaga kelgandi. Mana shu vaqtda himoyachilarning o'zaro tushunishlari va hujumni yakunlash borasida ishladik. Yigitlarning jismoniy holatini ham tiklab oldik. Tanaffusda "Dinamo" bilan o'rtoqlik uchrashuvi orqali bugungi o'yinga hozirlik ko'rdik. "Xorazm" bilan ham o'yinga g'alaba uchun boramiz.

Muxlislarsiz o'yin qandaydir zerikarlidek bo'lmoqda. Ular futbolchilarga yanada kuch va shijoat berishadi. Hujumlarda keskinlik yuzaga keladi. Ishqibozlar bizning 12-o'yinchimiz hisoblanadi", – deydi Bekzod Qodirqulov.