Baxtiyor Ashurmatov: "Lokomotiv" bilan bahs "Navbahor"dagi so'nggi o'yinim bo'lishi mumkin"

"Bu yilgi mavsum men uchun murabbiy sifatida og'ir keldi. Mag'lubiyatga kelsak raqibimiz bizdan ikki kalla ustunligini amalda ko'rsatdi. Ular haqqoniy g'alabaga erishishdi, muxlislarimizdan uzr so'rayman. Mag'lubiyatda men aybdorman. Balki bugungi bahs "Navbahor"dagi so'nggi o'yinim bo'lishi mumkin. Rahbariyat bilan uchrashuvdan so'ng barchasi malum bo'ladi. Balki yangi murabbiy kelsa jamoaning natijalari yaxshilanar. Hech kim meni ketishimni so'ramadi, shunchaki shaxsan o'zim shunday o'ylayapman", - deydi Ashurmatov.

"Jamoa futbolchilari bilan gaplashdim, ular ham meni ketishimni istashmayapti. Yuqorida aytganimdek o'zim shunday qarorga keldim. Namanganlik muxlislar juda ham talabchan, ular jamoani yuqori o'rinlarda ko'rishni istashadi. O'z bazamiz, mashg'ulot maydonimiz, avtobusimiz yo'q...shular ham tezroq hal qilinsa yaxshi bo'lardi".

"Bizning futbolchilarning ruhiyati shundayki, "Lokomotiv", "Paxtakor" kabi klublarga qarshi bahsdan oldin ruhan taslim bo'lib chiqishadi".

"Ikkinchi davraga rejalar tuzib qo'ygandik, tayyorgarlik rejalari, yig'inlar qaerda bo'lishi, yangi futbolchilarnni ro'yxatini tuzib chiqqanmiz. Agar klubda qolsam bularni bajaramiz".

"Agar olimpiya terma jamoasida ishlashda davom etganimda ikkinchi davrada "Navbahor"dan ketishi aniq edi. Yangi murabbiylar shtabiga omad tilaymiz, jamoamiz olimpiadaga chiqishlarini chin dildan istayman".