Baxtiyor Ashurmatov: "Durangga mos o'yin bo'ldi"

- O'yin jangovor ruhda o'tdi. Afsuski, himoyadagi xatolarimiz bizga qimmatga tushdi. Bugun durangga mos o'yinga guvoh bo'ldik. Har ikki jamoa ham g'alaba uchun harakat qilishdi. Omad "Qizilqum"ga ko'proq kulib boqdi. SHu sababli mag'lubiyatga uchradik. "Qizilqum"ga qarshi bahs biz uchun katta axamiyatga ega edi. Sababi, agarda navoiyliklarni mag'lub etganimizda musobaqa jadvalida yuqoriroq o'rinlarga ko'tarilib olardik. Birinchi davrada o'z oldimizga qo'yilgan vazifani bajara olmadik deyish mumkin. Yana oldinda ikkita chempionat o'yinlari bizni kutib turibdi. Vaziyatni to'g'irlab, muxlislar oldida aybimizni yuvishimiz kerak. Boshqa ilojimiz qolmadi. Baxriddin Vahobov ushbu mavsumda yaxshi o'yin ko'rsatmoqda. Uchrashuvdan oldin ham buni aytib o'tgandim. U golga chanqoq va har bir vaziyatdan unumli foydalanish imkoniyatiga ega o'yinchi. Baxriddinning kerakli joyda bo'lish xislati evaziga "Qizilqum" bugun 3 ochkoni qo'lga kiritdi. Darvozabonimiz jaroxati? U hozir bemalol yura olmayapti. Melenchuk yo'q joydan jaroxat oldi. Uning shikastlanishi ham "Navbahor"ga salbiy tasir o'tkazdi. Zaxiradan o'yinchi chiqarib, o'yinni kuchaytirish imkonidan mahrum bo'ldik. SHahboz Erkinovni afsuski o'yinga tushira olmadik.