"Bavariya" ijaraga olgan Xames Rodriges "Real"ga qarshi bahsda o'ynay oladimi?
24 apr 2018 18:27
Yangiliklar

"Bavariya" ijaraga olgan Xames Rodriges "Real"ga qarshi bahsda o'ynay oladimi?

Teglar : Xames Rodriges

Ertaga Myunxenda "Bavariya" hamda "Real" o'rtasida CHempionlar ligasi yarim finalining ilk o'yini bo'lib o'tadi.

Ijara asosida "Bavariya"da to'p tepayotgan "Qirollik klubi" futbolchisi Madrid jamoasiga qarshi o'ynay oladimi?

Esingizda bo'lsa, 2013/14 mavsum CHempionlar ligasi yarim final bosqichida "CHelsi" va "Atletiko" to'qnash kelgan. O'sha paytda "aristokratlar" posboni Tibo Kurtua ijara asosida "Atletiko" sharafini himoya qilar edi. 2014 yilda londonliklar ustozi sifatida ishlagan Joze Mourino belgiyalik darvozabonning maydonga tushmasligini talab qilgan. Ammo "matraschilar" Kurtuadan foydalanishdi va raqibni mag'lub etib finalga chiqishdi. O'sha mavsumdagi bahslardan so'ng UEFA evrokuboklarda ijaraga olingan futbolchilar o'z klubiga qarshi o'yinlarda ishtirok etishiga ruxsat bergan. O'yinchiga egalik qiluvchi jamoa uning maydonga tushishini taqiqlab qo'ya olmaydi.

SHunday qilib, Xames Rodriges ertaga bo'ladigan uchrashuvda qatnasha oladi.

Havola :

Manba : squawka.com

Yangiliklarni Telegramda o'qing!

Reyting: +36