“Bavariya” Xaynkesga o'rinbosar topdi
17 mar 2018 09:35
Yangiliklar

“Bavariya” Xaynkesga o'rinbosar topdi

Germaniya terma jamoasi va “Liverpul”ning sobiq futbolchisi Ditmar Xamanning yozishiga ko'ra, “Bavariya” “Tottenxem” bosh murabbiyi Maurisio Pochettinoni jamoaga olib kelmoqchi.

“Hamma Tuxel bosh murabbiy bo'lishi gapiryapti, ammo men bunga ishonmayman. “Bavariya”ning Pochettino bilan aloqaga chiqqanini bilaman, u variantlardan biri edi. O'ylaymanki, hozir ham xuddi shunday.

“Bavariya” bosh murabbiyi nemis tilini bilishi kerakligi — muhim, ammo hal qiluvchi shartlardan emas. Gvardiola ham ideal emasdi.

Ular eng yaxshi murabbiyni taklif qilmoqchi. Men uchun bu “Tottenxem” murabbiyi”, — deb yozadi Xamann.

Argentinalik 46 yoshli mutaxassisni “Real” va PSJga o'tishi ham aytilmoqda. Uning londonliklar bilan shartnomasi 2021 yilgacha tuzilgan.