"Barselona" "Kamp Nou"dagi plastik o'rindiqlarni sotmoqda

"Ko'k-anorranglilar" stadiondagi so'nggi o'yinini 28 may kuni La Liga doirasida "Malorka"ga qarshi o'tkazdi (3:0).

Memorabilia akciyasi doirasida "Barselona" stadion bilan bog'liq esdalik sovg'alar savdosini amalga oshiradi. Avvalroq “Kamp Nou” maysasi va darvoza to'rlari sotilgani haqida xabar berilgan edi.

Endi klub muxlislari "Kamp Nou"ning plastik o'rindiqlarini xarid qilishlari mumkin. Ularning narxi 99 dan 299 evrogacha belgilangan. 

Boshqa esdalik sovg'alari qatorida "Barselona" o'yinchilarining dastxati tushirilgan sardorlik bandaji va futbolkalari ham mavjud, jumladan Lionel Messining imzosi tushirilgan futbolkani 2999 evroga sotib olish mumkin.