So’nggi yangiliklar

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  4 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  20 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Barchasiga o'zimiz aybdormiz, yomon o'ynadik, shoshildik. Vadim Abramov derbidagi durang, asabiy o'yin va zich taqvim haqida Yangiliklar

Barchasiga o'zimiz aybdormiz, yomon o'ynadik, shoshildik. Vadim Abramov derbidagi durang, asabiy o'yin va zich taqvim haqida

Pro liga 13-turi doirasidagi Yunired - Dinamo (1:1) o'yinidan keyin dastlab Dinamo bosh murabbiyi Vadim Abramov matbuot anjumanida qatnashdi.

- Derbida qiyin bo'lishini bilardik. O'tgan safar ham oson bo'lmagandi. Raqib jamoa o'z vazifasini bajardi, biz esa yo'q. CHunki juda yomon o'ynadik. Ayniqsa, ikkinchi bo'limda juda shoshildik. Maydonda raqibdan son jihatdan bir kishi ko'p bo'lganda ham bor yo'g'i bitta vaziyat yarata oldik. O'yinni tahlil qilib chiqamiz. Muhim ochkolar yo'qotildi.

- «Paxtakor» ustidan erishilgan g'alabadan keyin o'yinga ruhan tayyorlanishda muammo bo'lmadimi, ehtimol «Yunired» jamoasining kuchiga to'g'ri baho berilmagandir?

- Albatta, hozir shunday deyishingiz ham mumkin. O'yindan oldin bu haqda ko'p marta gapirgandik, barchasiga o'zimiz aybdormiz. Bu oyda bizni ketma-ket 5ta o'yin kutib turgani, bunga shay turish kerakligi haqida gaplashgandik. O'yin boshidan yaxshi imkoniyatlardan foydalana olmadik. Bu ham oqibatda o'z so'zini aytdi.

- «Yunired» avvalgi o'yinda bo'lgani kabi, bu safar ham «Dinamo» bilan tengma-teng jang qildi...

- Ha, «Yunired» «Dinamo»ga jiddiy qarshilik ko'rsatishga urindi. O'yinning principiallik ahamiyatidan kelib chiqsak, bu normal holat. Ularning tarkibidagi aksariyat o'yinchilar sobiq klubiga qarshi o'zini ko'rsatishga harakat qilishi aniq edi. Biz buni kutgandik, tushungandik. Ehtimol, bu aksariyat futbolchilarimizga yaxshi etib bormagandir.

- Bugun jamoada charchoq alomatlari sezildi. Oldinda esa klub juda zich taqvimga ega...

- Ha, oldinda muhim o'yinlar bor. Qarang, bu oyda bizni 5ta o'yin kutmoqda, 2-davrada esa jami 10ta o'yinimiz bor. Yani, biz mavsumning ikkinchi qismidagi jami o'yinlarimizning yarmini shu oydayoq o'tkazishimizga to'g'ri keladi. Qiyin taqvim paytida har bir ochko yo'qotilishi qimmatga tushishi mumkin. Qolgan 4 o'yinimizdan 3tasini uyda o'tkazamiz, ochko yo'qotishga haqqimiz yo'q.

- O'yin davomida jamoa o'yinidan qoniqmaganingiz ko'rindi, etirozingiz aynan qaysi chiziqlar bo'yicha?

- Ko'proq, yarimhimoya chizig'i o'yiniga etirozim bo'ldi, bu chiziqda ko'rsatmalar bajarilmadi. SHu erdan muammolarimiz boshlandi. Barchasini tahlil qilib, 4 kundan keyin «Mashal»ga qarshi o'tadigan bahsga tayyorlanamiz, deydi Vadim Karlenovich.

Reyting: -4   

Fikrlar

championat.asia
< so’nggi yangiliklarni ko’rish
Яндекс.Метрика