Bafetimbi Gomis faoliyatini yakunlaganini elon qildi

Liga 1ning etakchi futbolchilaridan biri, "Sent-Eten", "Lion", "Suonsi" va "Marsel" klublarida to'p tepgan Bafetimbi Gomis butsasini mixga ilishga qaror qildi. 

Franciya terma jamoasining sobiq futbolchisi (12 o'yin, 3 gol) 10 noyabr, yakshanba kuni bo'lib o'tgan "Lion" – "Sent-Eten" uchrashuvi boshlanishidan bir necha daqiqa oldin bu haqda gapirdi.

39 yoshli hujumchi Turkiya ("Galatasaroy"), Saudiya Arabistoni ("Al Hilol")da ham o'ynashga muvaffaq bo'lgan va faoliyatidagi so'nggi klubi Yaponiyaning "Kavasaki" jamoasi edi. Franciyalik futbolchi faoliyati mobiynida 783 uchrashuvda 347 ta gol va 75 ta golli uzatmani amalga oshirgan.

Eslatib o'tamiz, Bafetimbi Gomis Franciya Kubogi va Superkubogi ("Lion")ni o'z ichiga olgan holda 14 ta sovrinni qo'lga kiritgan, shuningdek, "Galatasaroy" tarkibida ikki marta Turkiya Superligasida g'olib chiqqan.