B.Abdurahimov VS I.Aliboev. O'yinchilar statistikasi

Bu o'yinchilarni bejizga tanlanmadik. “Nasaf” safiga joriy mavsumda, “Andijon” jamoasidan kelib qo'shilgan Bahrom Abdurahimov birdan jamoa o'yiniga qo'shilib keta oldi. Uning maydondagi harakatlari, ko'rsatayotgan o'yinlari muxlislarga manzur bo'lmoqda. Ayniqsa uning raqib o'yinchisidan to'pni olib qo'yishdagi mahorati olqishga sazovordir. SHundan bo'lsa kerak, Ro'ziqul Berdiev unga deyarli har o'yinda ishonch bildirmoqda.

“Lokomotiv” safidagi  Ikrom  Aliboevning ismi keyingi paytlarda yurtimiz futbol ishqibozlari tilida takror va takror yangray boshladi. Ushbu yosh yarim himoyachi hozirdan yil kashfiyoti bo'lishga asosiy davogarga aylanib ulgurdi. Vadim Karlenovich unga nafaqat ichki chempionatimiz o'yinlarida balki OCHL o'yinlarida ham ishonch bildirmoqda.  Ikrom esa o'z o'rnida murabbiy ishonchini oqlash uchun maydonda ko'p mehnat qilmoqda, bunga quyidagi malumotlar ham misol bo'la oladi.

Izoh:  qavs ichidagi raqamlar noaniqliklar sonini bildiradi.

Bahrom Abdurahimov (Nasaf)	Ko'rsatkichlar	Ikrom Aliboev (Lokomotiv)
11(5)	To'pni raqibdan olib qo'yish	8(5)
5(1)	Oldinga to'p uzatish	23(1)
5(0)	Orqaga to'p uzatish	9(0)
8(1)	Yonga to'p uzatish	21(1)
0	Darvozaga zarba	0
1	Qo'pollik	1
0	Ogohlntirish	0
0	CHetlatish	0
0	Burchak to'plari	1(1)

O'yinchilar statistikasi uchrashuv 61-daqiqasigacha olib borildi. CHunki, 61-daqiqada Bahrom Abdurahimov o'z o'rnini SHohruh Gadoevga bo'shatib berdi.

Ulug'bek Yahyoev tayyorladi.