Babayan boshchiligidagi "Navbahor" Turkiyada yig'in olib boradi
28 dek 2021 21:11
Yangiliklar

Babayan boshchiligidagi "Navbahor" Turkiyada yig'in olib boradi

Samvel Babayan bosh murabbiyligi ostidagi jamoa ilk o'quv-mashg'ulot yig'inini Namanganda o'tkazdi va qisqa tatilga yo'l oldi.

"Namangandagi yig'in 20-28 dekabr kunlari o'tkazildi va unda mahalliy futbolchilar ishtirok etishdi.

Endilikda "Navbahor" vakillari yangi yil munosabati bilan qisqa muddatli tatilga chiqishadi.

Jamoa azolari 2022 yilning 5 yanvar kuni Toshkentda yig'ilib, tibbiy ko'rikdan o'tishadi va 6 yanvar kuni Turkiyaning Antaliya shahriga jo'nab ketishadi.

“Lochinlar”ning Antaliyadagi o'quv-mashg'ulot yig'inida tarkibga yangi futbolchilarning qo'shilishi, shuningdek, bir qator o'rtoqlik uchrashuvlari o'tkazish rejalashtirilgan", – deyiladi "Navbahor" matbuot xizmati bergan xabarda.

Havola :

Manba : "Навбаҳор" матбуот хизмати

Yangiliklarni Telegramda o'qing!

Reyting: +5