Azizbek Amonov: “Buxoro” keyingi turlarda mag'lubiyatlar tasodifligini isbotlash va muxlislarni xursand qilish uchun o'ynaydi”
08 mar 2020 21:40
Yangiliklar
![](https://championat.asia/upload/storage/550204_original.jpg)
![](/upload/storage/550204_220.jpg)
Azizbek Amonov: “Buxoro” keyingi turlarda mag'lubiyatlar tasodifligini isbotlash va muxlislarni xursand qilish uchun o'ynaydi”
Muhsin Muhammadiev boshchiligidagi “Buxoro” jamoasi bugun poytaxtda “Paxtakor” mehmoni bo'ldi va yirik hisobda mag'lubiyatga uchradi. Bahsdan so'ng dastlabki daqiqalardan asosiy tarkibda harakat qilgan Aziz Amonov fikrlari bilan o'rtoqlashdi.
“Yaxshi o'yin bo'ldi. “Paxtakor” o'z maydonida ustunlik qilishini bilar edik. O'yinga har tomonlama tayyorlandik. Baribir bugun maxorat o'z so'zini aytdi. Jamoamizdagi futbolchilar ko'pi yangi, turli jamoalardan kelib qo'shilishgan. O'yindan, o'yinga shakllanib borishga harakat qilamiz. O'z ustimizda ishlab keyingi turlarda bu mag'lubiyatlar tasodif ekanligini isbotlashga, shuningdek, muxlislarni xursand qilishga borimizni beramiz. Uzoq masofa bosib kelgan ishqibozlarimizga rahmat aytaman. Ikki o'yinda ham bir xil hisobda mag'lub bo'ldik, Qo'qonda o'zimizni ko'rsata olmadik. Biz birinchi turga suniy maydonda tayyorgarlik ko'rgandik, tabiiy maydon bilan o'rtasida farq bor. Jamoa yangidan tashkil etilayotgani bois hali futbolchilar to'liq kirishib keta olishganicha yo'q”, dedi “Buxoro” futbolchisi.
Abdulaziz Iskandarov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar