Aziz To'xtaboev: "Maqsad bitta – g'alaba"

Biz jamoa sardori Aziz To'xtaboevni suhbatga tortdik.

- Azizbek g'alaba muborak!
- Rahmat. O'yingohga kelgan muxlislarga quvonch baxsh etganimizdan xursandmiz.

-Jamoadagi muhit haqida bilishni istardik.
- Jamoadagi muhit alo darajada desam mubolag'a bo'lmaydi. Hamma bir-biri bilan axil. Murabbiylarimiz barchaga birdek munosabatda. Asosiysi bizga rahbariyat yaratib berayotgan sharoitga munosib javob berib, muxlislarni xursand qilish.

- Navbatdagi turni safarda “Buxoro” jamoasiga qarshi o'tkazish uchun safarga otlanyapsizlar. Jamoa oldiga Qanday maqsad qo'yilgan?
- Maqsad bitta – g'alaba! Buxorodagi o'yin biz uchun juda muxim. Biz albatta muxlislarni xursand qilish uchun maydonga chiqamiz.

-Buxoroliklar 2-davrada o'z maydonlarida “Nasaf”dan, safarda “Olmaliq” dan ochko olishga muvaffaq bulishdi.
- Nima demoqchi ekanligingizni tushundim. “Buxoro”ni etakchi jamoalardan ochko olgani bizni cho'chitmaydi. Bu futbol har narsa bo'lishi mumkin. Aytishadiku maydon tekis-to'p yumaloq. Biz o'z o'yinimizni namoiysh qilsak, barchasi o'z qo'limizda bo'ladi. Qo'qonlik muxlislarimiz bizdan faqat g'alaba kutishayotganlarini his qilib turibmiz.

- Siz jamoada sardorsiz, lekin bazi o'yinlarda zaxiradan maydonga tushmoqdasiz.
- Maydonga kimni tushirishni murabbiylar hal qilishadi. Men murabbiyning qarorini hurmat qilaman. Asosiysi natija. Menga bazi o'yinlarda zaxiradan tushib o'yinni kuchaytirish vazifasi berilmoqda. Har qanday holatda jamoamga yordam berish uchun tayyor turaman.

Akramjon Mamadaliev suhbatlashdi.