Ayollar futboli. XXIII chempionat: Metallurg besh daqiqa kam chempion!
27 sen 2017 17:14
Yangiliklar
![](https://championat.asia/upload/storage/280013_original.jpg)
![](/upload/storage/280013_220.jpg)
Ayollar futboli. XXIII chempionat: Metallurg besh daqiqa kam chempion!
2003 yilgi chempionatda bronza medallarini qo'lga kiritgan qarshiliklar kelasi yilgi mavsumdan kumush medallarni maqsad qilishgandi. Kutilmaganda futbolchi qizlar oltin medalga erishib qo'ya qolishdi. O'sha mavsumda jamoa bosh murabbiyi Vladislav Xan va jamoa sardori Gulnora Azamovaga jamoa homiysi va egasi “SHo'rtangazkimyo” majmuasi tomonidan mukofot sifatida avtomashina hadya etilgandi. Taqdirlash marosimida korxonaning o'sha paytdagi rahbari Alisher Sultonov 2005 yilgi mavsumda jamoa yana oltin medallarga sazovor bo'lgan taqdirda asosiy tarkibning barcha azolariga, yani o'n bir nafar futbolchiga o'zimizda ishlab chiqilgan avtomashina kalitlarini topshirishini vada qilgandi. Biroq chempionatning so'nggi turlaridagina qarshiliklar “Andijanka” “to'sig'idan” o'ta olmay, yakunda kumush medal bilan kifoyalanishgandi. 2006 yilgi mavsumdan to shu yilga qadar esa “Sevinch” bosh sovrinni birovga bermay keldi. “Sevinch” bisotini ketma-ket o'n bir marotaba, umumiy olganda esa o'n ikki marotaba oltin medal bilan to'ldirdi.
Salkam o'n besh yil mobaynida “Sevinch”ni birgina “Andijanka” jamoasi doimiy taqib qilib kelgandi. Goh chempionatda, goh Kubok o'yinlarida bosh sovrinlarga aynan shu jamoalar davogarlik qilishgandi. Ikki yil muqaddam andijonliklarning ko'p yillik ustozlari Miron Kim vafot etgach, jamoani omad ham tark etdi. Ko'pkarra chempion va Kubok sohibi “Andijanka” bugunga kelib o'rtamiyonalar qatoridan joy oldi. Biroq “Andijanka”ning “ortga chekingani” “Sevinch”ning yakka peshqadamligini taminlamadi – uch-to'rt yildirki “Metallurg” jamoasi faqat yuqori o'rinlar uchun kurash olib borib, “Sevinch”ning “tinkasini quritib” kelmoqda. Garchi chempionat o'yinlarida atigi bir-ikki ochkolarga ortda qolib, yakunda kumush medallarga erishib kelayotgan bo'lsa-da, Kubok va Superkubokni “Sevinch”dan tortib olishga muvaffaq bo'ldi. Nihoyat, bekobodliklar bu yil o'z orzu va umidlariga etishadigan bo'lib turishibdi. CHempionatdagi asosiy taqibchisi “Sevinch”ni ikki o'yinda – uyda va safarda ham mag'lub eta olgani, qolaversa, qarshiliklarning kutilmaganda “SHo'rtan”ga yutqazib qo'yishgani “Metallurg”ning muvaffaqiyatini taminlamoqda. SHerali Boboqulov shogirdlari amaliy jihatdan oltin medalli bo'lishdi, biroq buni futbol deydilar, oldinda sakkiz tur bor, nazariy jihatdan nafaqat “Sevinch”ning, balki “Bunyodkor”ning ham imkoniyatlari bor hali.
Xo'sh, o'n ikki karra chempion “Sevinch”ga nima bo'ldi? Ularning “shohsupadan” tushishlariga majbur etayotgan narsa nima?
Bir paytlar jamoaning bosh homiysi “SHo'rtangazgimyo” majmuasi o'z futbolchilarining nafaqat milliy chempionat o'yinlarida, balki vakillari ko'pchilikni tashkil etgan mamlakat terma jamoalaridagi faoliyatini ham jiddiy nazorat qilar, hech qanday muammo va kamchiliklarga yo'l qo'yib bermas edi. Tashkilot hamon jamoa muassisi hisoblanadi, hamon yordamini berib kelmoqda. Ammo tan olish kerak, taminlov avvalgidek emas. Natijada jamoa asosiy tarkibining ko'pchiligi boshqa klublarga yo'l olishdi. Faktlarga murojaat etaylik. “Sevinch”ning etakchilari hisoblangan, uning muvaffaqiyatlariga ko'p hissa qo'shgan Maxliyo Sariqova, Maxfuza Turopova, Feruza Turdiboeva, Zumrad Nazarova, Dildora Nizomova bugun “Metallurg” safida to'p surishmoqda. Olga Qahhorova, Mariya Moiseeva, Luiza Toshmetova, Aziza Ermatova, Ezoza SHaripova singari mohir darvozabon va o'yinchilar “Bunyodkor” tarkibida sovrinli o'rinlar uchun kurashmoqdalar. Sadoqat Ro'zieva, Fazilat Bahromova, Uldona To'xtaeva, Dildora Ergasheva, jamoaning ko'p yillik chempionat to'purari Zebo Jo'raeva“SHo'rtan”ga bepul ijaraga berilsada, ilk turdayoq dugonalaridan uch ochko tortib olib, “Sevinch”ni noqulay ahvolga solib qo'ydilar. “Sevinch”ning barcha muvaffaqiyatlarida bosh sababchi bo'lgan Kamola Usmonova esa bugun “Qizilqum-Guli” tarkibidan joy olgan. Ko'rib turganingizdek, butun boshli jamoa tarqalib ketgan. SHunday bo'lsa-da, “Sevinch” “taqdirga tan berayotgani” yo'q, klub qoshida faoliyat yuritayotgan futbol maktabi tarbiyalanuvchilari evaziga hamon kuchlilarga jiddiy qarshilik ko'rsatishda davom etayotir. Tarkibi asosan yoshlardan iborat jamoaning oltin bo'lmasada, kumush, kamida esa bronza medali bilan taqdirlanishining o'zi ham katta gap...
Izoh:
“Sevinch” 18 va 19-tur o'yinlarini muddatidan oldin o'tkazib oldi – “Qizilqum”ni 10:0, “Mashal”ni esa 5:0 hisobida mag'lubiyatga uchratdi.
2 oktyabrda 15-turga start beriladi.
Oybek Yunusov
O’xshash yangiliklar
![AMP Logo](https://championat.asia/image/logo-amp.png)
Fikrlar