Axbor Imomxo'jaev xotira turnirida 10 ta jamoa ishtirok etadi

Sir emaski, “Paxtakor” jamoasining tashkil etilishi va shu nomdagi stadion ishga tushirilishida Axbor ota bevosita ishtirok etgan shaxslardan biridir. Katta avlod bu insonni “Paxtakor” bilan birga yod oladi. SHundan kelib chiqib, o'z vaqtida “Paxtakor” sharafini himoya qilgan mashhur faxriy futbolchilar musobaqada ishtirok etadi.

SHuningdek, qahramonimiz O'zbekiston futbol associaciyasida uzoq yillar mehnat qilgan. CHempionat o'yinlarida komissar sifatida faoliyat olib borgan. Avval hakamlik, keyin esa hakam nazoratchisi sifatida mamlakat futboli rivojiga ulkan hissa qo'shgan. Buning hurmati musobaqaning amaldagi chempioni O'FA Ravshan Ermatov boshchiligida turnirda qatnashadi. SHuningdek, yaqin o'tmishda referi sifatida faoliyat olib borib, endilikda nazoratchi sifatida ishlayotgan shaxslardan iborat O'zFHM jamoasi va O'zPFL jamoasi g'oliblik uchun kurash olib boradi.

Xotira turnirida futbol sharhlovchilaridan tuzilgan yulduzli jamoa hamda asosini sport jurnalistlari tashkil etadigan jamoa ham ishtirok etadi. Championat.asia va Kun.uz kabi nashrlar ham chempionlik uchun bellashadi.

Sir emaski, Axbor Imomxo'jaev umrining so'nggi yillarini “Tong” faxriylar jamoasida bilan birga o'tkazdi. Aynan shu jamoa ham musobaqaga taklif etilgan. Musobaqaning so'nggi jamoasi esa qahramonimizning oila-azolari, o'g'il hamda nabiralaridan tashkil topgan “Sulola” jamoasidir. Bu jamoa bir yil muqaddam final uchrashuvida O'FA bilan to'qnash kelib, yakunda musobaqani 2-o'rinda yakunlagandi.