Avstraliya U-20 termasi bosh murabbiyi: "Maqsadimiz – Jahon chempionatiga yo'l olish"

- Jamoa ertangi o'yinga qanday tayyorgarlik ko'rdi?

- Biz O'zbekistonga o'tgan hafta kelgan edik, Toshkentda bizga mashg'ulot uchun ajoyib sharoit yaratib berishdi. Bugun ertangi o'yin bo'lib o'tadigan maydonga chiqdik va bo'lajak o'yinga tayyormiz.

- Toshkentga kelishdan oldin o'quv mashg'ulot yig'inlari va o'rtoqlik uchrashuvlari o'tkazdingizmi?

- Ha, yig'in o'tkazdik, lekin o'rtoqlik uchrashuvlarida qatnashmadik.

- Joriy musobaqada oldingizga qo'ygan maqsadlaringiz qanday va o'yinchilar turnirga qanday tayyorgarlik ko'rishdi?

- Albatta, maqsadimiz – har bir uchrashuvda g'alaba qozonish, bu yakuniy musobaqa va ushbu turnir biz uchun juda muhim.

- Nima deb o'ylaysiz, raqib jamoaning qanday ustunliklari va kuchsiz tomonlari bor?

- Birinchi uchrashuvda ancha kuchli raqib bizni kutib turibdi. Vetnam terma jamoasini bir necha oy oldin o'rganishni boshlagan edik. Vetnam murabbiyi ancha tajribali va futbolchilari ham kuchli texnikaga ega.

- Avstraliyada jarohat sabab musobaqada ishtirok eta olmaydigan o'yinchilar bormi?

- Yo'q, jamoada jarohat olganlar yo'q.

- Ushbu musobaqa Jahon chempionatiga yo'llanma beradi va shuning uchun ushbu musobaqa katta ahamiyatga ega, turnir muhimligi futbolchilarga qanday tasir o'tkazdi?

- Bu turnir biz uchun muhim va butun Osiyo mintaqasidagi jamoalar ham ushbu musobaqaga puxta tayyorgarlik ko'rishgan, maqsadimiz – Jahon chempionati yo'llanmasini qo'lga kiritish.

"B" guruhida joylashgan termalar Avstraliya hamda Vetnam o'rtasidagi uchrashuv ertaga Farg'onadagi "Istiqlol" stadionida 15:00 da start oladi.