"Atletiko Mineyro"ni endi Paulo Autuori boshqaradi

Manbada takidlanishicha, Braziliyaning eng kuchli jamoalaridan hisoblanadigan "Mineyro" rahbariyati JCH yarim finalidagi mag'lubiyatdan so'ng avvalgi bosh murabbiy Kukani istefoga chiqarishga qaror qildi. Uning o'rnini osiyolik muxlislarga yaxshi tanish bo'lgan Paulo Autuori egallaydigan bo'ldi. 

Hali klublar o'rtasidagi Jahon CHempionati bahslari yakuniga etmagan. "Atletiko Mineyro" uchinchi o'rin uchun bahsda Osiyo CHempionlar Ligasi g'olibi "Guanchjou Evergrand" jamoasiga qarshi bahs yuritadi. Ushbu uchrashuvda ham jamoa Kuka qo'l ostida maydonga tushadi. SHundan so'ng u Xitoyga yo'l oladi va faoliyatini "SHandon Lueng" jamoasida davom ettiradi. "Atletiko" da esa uning ishini Autuori davom ettiradi.

Autuori 2013 yil yanvar oyiga qadar Qatar milliy terma jamoasida bosh murabbiy bo'lib ishlagandi. Uning so'nggi ish joyi "San Paolo" klubi bo'lgandi.