"Atletiko Kalkutta" - Hindiston Superligasi chempioni!

1 oktyabr kuni start olgan chempionatda 8ta klub dastlab ikki davra davomida kurash olib borishdi. Eng yuqori to'rt o'rinni egallagan klublar yarim finalda uy safar tizimida o'yin o'tkazishdi.

Yarim finallarda "Kerala Blasters" "Dehli Dinamos" ni, "Atletiko Kalkutta" esa "Mumbay Siti"ni mag'lub etib finalga chiqishdi.

Bugun bo'lib o'tgan final uchrashuvida angliyalik Stiven Koppel boshchiligidagi "Kerala Blasters" klubi ispaniyalik Xose Molina boshchiligidagi "Atletiko Kalkutta"ga qarshi bahs olib bordi. Dastlab 37-daqiqada Muhammad Rafi "Kerala"ni oldinga olib chiqdi. Tanaffusga chiqish arafasida Enrike Sereno muvozanatni tikladi. Bu hisob o'yin oxirigacha saqlanib qoldi. Qo'shimcha taymlarda ham gol urilmadi. SHu bois g'olib penaltilar seriyasida aniqlandi.

Futbol lotoreyasida "Atletiko" futbolchilari omadliroq chiqishdi - 4:3. SHu tariqa bu klub o'z tarixida ikkinchi marta Hindiston Superligasida chempionlikka erishdi. 2014 yilda ham "Atletiko" shoxsupaning eng yuqorisiga ko'tarilgan edi. O'tgan yil "CHennayin" chempion bo'lgandi.

"Atletiko" safida bu mavsumda portugaliyalik Elder Poshtiga, Enrike Serreno, ispaniyalik Xavi Lara, Borxa Fernandez, Tiri, Dani Mallo kabi legionerlar faoliyat olib borishdi.

"Kerala Blasters" - "Atletiko Kalkutta" 1:1 (3:4 penaltilar seriyasi)
Gollar: M.Rafi 37 - Sereno 44

"Kerala Blasters" - Stak, Xyuz, Engbart, Jingan, Ahmed, Hussayin, Mahamat, Vinet, Rafi, Belfort, Nazon
Zaxiradan tushganlar: Ndoye, Rafike, German.

"Atletiko Kalkutta" - Majumder, Sereno, Pereyra, Tiri, Kotal, Borxa Fernandez, Doutie, Raja, Ralte, Elder Poshtiga, Xume
Zaxiradan tushganlar: Das, Xavi Lara, Nato.

Saytimizning Facebook dagi sahifasi - facebook.com/championat.asia