"Atletiko" goli bekor qilinishi, Ximenes chetlatilishi va penalti qo'yilishi kerak edi". "Real"dagilar hakamlikdan norozi bo'lishyapti

Madrid derbisida "Real" 1:3 hisobida "Atletiko"ga mag'lub bo'ldi. Bu jamoaning joriy mavsumdagi dastlabki mag'lubiyati.

O'yin davomida "Real" televideniyasidagi sharhlovchilar Xaver Roxas Alberola qarorlaridan norozi bo'lishdi. Gap "Atletiko" goli oldidan Jud Bellingemga bo'lgan ehtimoliy fol, golning bekor qilinishi, Xose Mariya Ximenesning qo'polligi uchun ko'rsatilishi kerak deb hisoblashayotgan qizil kartochka va Mario Ermosoning o'z jarima maydonchasi ichida qo'l bilan o'ynagani haqida ketmoqda.

Bahsning 4-daqiqasida Alvaro Morataning goli hisoblanishi jiddiy tanqid qilindi. "Bu xato. Tabloda hisob o'zgarmasligi kerak edi. VAR vaziyatni ko'rmadi. "Real" foydasiga jarima zarbasi o'rniga darvozamizga gol" - dedi sharhlovchi.

Keyin efir davmida "Real"ning 44-daqiqada urgan goli muhokama qilindi. "Vaziyatga aralashmaga Ryudiger tufayli Kamavinganing goli bekor qilindi. Alberoladan yana bir xato va u faqat bir jamoa zarariga ishlayapti, VARdagi Klos Gomes esa vaziyatlarga aralashmayapti".

Keyinroq "Real" televideniyasi efirda Ximenesga qizil kartochka ko'rsatilishi va Ermoso o'z jarima maydonchasi ichida qo'l bilan o'ynagani uchun penalti berilishi kerakligi aytildi.

"Ximenes so'nggi himoyachi rolida qo'pol o'ynadi. Unga faqat sariq kartochka ko'rsatildi. Qizil berilishi kerak edi. Keyin Mario Ermoso vaziyatida to'p uning qo'liga tegdi, penalti belgilanmadi, hech kim hatto ko'rib ham chiqmadi".